वनजमिनीवरील अनधिकृत बांधकामावर हातोडा

खालापूर : खोपोली शहरातील काजूवाडी येथील वन विभागाच्या जागेत एका व्यक्तीने अनधिकृतपणे पक्क्या घराचे बांधकाम केले होते. त्या बांधकामावर वन विभागाने आज हातोडा मारीत बांधकाम जमीनदोस्त केले. या कारवाईसाठी मोठ्या प्रमाणात पोलीस फौजफाटा तैनात करण्यात आला होता. वन विभागाने केलेल्या कारवाईचे स्वागत होत आहे.शहराच्या काजूवाडी या वन विभागाच्या टेकडीवर अनधिकृत बांधकामांचा विषय गेली अनेक वर्षे सतत चर्चेत होता. यातील काही बांधकामे हे जुनी असल्याने त्यांचेवर कारवाई करण्यासाठी सुप्रीम कोर्टाचे निर्देश आड येत असल्याने अलीकडे याच ठिकाणी केशव देवकर या इसमाने मोकळ्या जागेत राहण्यासाठी पक्के घराचे अनधिकृत बांधकाम करण्यास सुरु वात केली होती.दगड, सिमेंट, विटा साहित्य वापरून घर उभारणीचे काम सुरु असल्याने खालापूर वन विभागाने बांधकाम करणाऱ्या संबंधित व्यक्तीला नोटीस देवून बांधकाम थांबवण्याचे आदेश दिले होते.असे असतानाही बांधकाम सुरूच राहिल्याने अखेर सहायक वन संरक्षक लाड, खालापूर वन परिक्षेत्र अधिकारी के. आर. सोनावणे, खोपोली वनपाल परहार यांच्यासह पन्नास वन कर्मचारी, ठाणे येथून वन जमिनीतील अनधिकृत बांधकामे हटविण्यासाठी राखीव असलेली राज्य राखीव दलाची एक तुकडी , खोपोली पोलिस असा मोठा फौजफाटा यांनी हातोडा मारीत झालेले संपूर्ण बांधकाम जमीनदोस्त केले .केशव देवकर यांचेवर महाराष्ट्र वन जमीन कायद्यांतर्गत कारवाई करण्यात आली आहे . शहराच्या इतर भागात आणि तालुक्यात देखील वन जमिनींवर अतिक्रमण झाले आहे, त्यांच्यावरही कारवाई करण्याची मागणी पर्यावरणप्रेमींनी केली आहे . (वार्ताहर)

स्वस्त विजेसाठी तीन महिने थांबा!

पहिल्याच दिवशी पालघरात सर्वाधिक बरसला

‘त्या’ शिक्षिकेच्या बदलीची मागणी

शिक्षणासाठी उपोषणाचा इशारा

संपामुळे रुग्णांचा जीव धोक्यात

पोलीस नाईक व वरिष्ठ पोलीस निरीक्षकास लाच घेताना अटक

ठाणे ते आंतरराष्ट्रीय विमानतळ बससेवेला प्रारंभ

सोन्याची नकली बिस्किटे विक्रीचा फंडा उघड

कंटेनर, तेलचोरांचा सुळसुळाट

हजारो बालकांचे भवितव्य अंधारात

लग्नाचे आमिष दाखवून अल्पवयीन मुलीची फसवणूक

वनजमिनीवरील अनधिकृत बांधकामावर हातोडा