सायनमध्ये ऑन ड्युटी पोलिसाने सोडले प्राण; कर्तव्यावर असताना हृदयविकाराच्या झटक्याने मृत्यू

रात्रपाळी कर्तव्यावर आलेल्या शिवतारे यांना पहाटे पाचच्या सुमारास छातीत दुखू लागले होते.

मुंबई : सायन पोलीस ठाण्यात कार्यरत असलेल्या उपनिरीक्षक संदीप शिवतारे (४२) यांचा बुधवारी कर्तव्यावर असताना हृदयविकाराच्या झटक्याने मृत्यू झाला. या घटनेने त्यांच्या कुटुंबियांसह सहकाऱ्यांना धक्का बसला आहे

पोलिसांकडून मिळालेल्या माहितीनुसार, रात्रपाळी कर्तव्यावर आलेल्या शिवतारे यांना पहाटे पाचच्या सुमारास छातीत दुखू लागले. सहकाऱ्यांनी त्यांना तातडीने लोकमान्य टिळक रुग्णालयात दाखल केले. तेथे उपचार सुरू असताना सकाळी साडेसातच्या सुमारास त्यांना तीव्र हृदयविकाराचा झटका आला. त्यात त्यांचा मृत्यू झाला. मूळचे सातारा जिल्ह्यातील धनगरवाडीचे रहिवासी असलेले शिवतारे हे वरळी पोलिस वसाहतीत पत्नी, दोन मुली, आई आणि भाऊ यांच्यासोबत राहायचे.