ठाणे, कोकणातील हॉटेलांना नोटिसा

अन्न व औषध प्रशासनाने अर्थात एफडीएने कोकणातील छोट्या-मोठ्या १ हजार ८५५ हॉटेल्सची तपासणी करून ५६९ मालकांना आपल्या हॉटेलमध्ये सुधारणा करण्याबाबत नोटिसा बजावल्या

ठाणे : अन्न व औषध प्रशासनाने अर्थात एफडीएने कोकणातील छोट्या-मोठ्या १ हजार ८५५ हॉटेल्सची तपासणी करून ५६९ मालकांना आपल्या हॉटेलमध्ये सुधारणा करण्याबाबत नोटिसा बजावल्या आहेत. तसेच ३३४ हॉटेलधारकांविरोधात दंडात्मक कारवाई करण्यात आली आहे.
कोकण विभागीय अन्न व औषध प्रशासनाच्या आखत्यारीत येणाऱ्या ठाणे, पालघर, रत्नागिरी, रायगड आणि सिंधुदुर्ग या पाच जिल्ह्यांत एकूण १३ झोन आहेत. त्या झोनअंतर्गत येणाऱ्या छोट्या-मोठ्या हॉटेलची अन्न विभागाच्या शेड्यूल ४ प्रमाणे तपासणी केली जाते. त्यानुसार, एप्रिल ते नोव्हेंबर २०१४ दरम्यान अन्न व औषध प्रशासन विभागाने १३ झोनमध्ये एकूण १ हजार ८५५ ठिकाणी तपासणी केल्यानंतर ५६९ जणांना सुधारणा नोटिसा बजावल्या आहेत. (प्रतिनिधी)