Mumbai Local Train: कुर्ला स्थानकात तांत्रिक बिघाड; मध्य रेल्वेची वाहतूक विस्कळीत, गाड्या १० ते १५ मिनिटे उशिराने

Mumbai local services Disrupted: कुर्ला आणि सायन स्थानकांदरम्यान ओव्हरहेड वायर तुटल्याने मुंबई लोकलची वाहतूक सेवा विस्कळीत झाली आहे.

कुर्ला आणि सायन स्थानकांदरम्यान ओव्हरहेड वायर तुटल्याने छत्रपती शिवाजी महाराज टर्मिनसकडे जाणाऱ्या अप जलद मार्गावरील लोकल सेवा विस्कळीत झाली असून गाड्या १० ते १५ मिनिटे उशिराने धावत आहेत. त्यामुळे प्रवाशांना मोठा मनस्ताप सहन करावा लागत आहे. "इलेक्ट्रिकल इंजिनिअरिंग टीमने काम सुरु केले असून प्रवाशांची गैरसोय टाळण्यासाठी मुलुंड आणि दादर स्थानकांदरम्यान अप फास्ट गाड्या अप स्लो मार्गावर वळवण्यात आल्या आहेत", अशी माहिती मध्य रेल्वेच्या एका अधिकाऱ्याने दिली.