- मनोहर कुंभेजकर!
मुंबई : 1 मे रोजी' महाराष्ट्र दिना' च्या मुहूर्तावर ' पाणी फाऊंडेशन' च्या वतीने महाराष्ट्रात महाश्रमदान अभियान आयोजित केले आहे. बॉलिवूड अभिनेता व पाणी फाऊंडेशन'चे संस्थापक आमिर खान याने आज सकाळी पाली हिल येथील त्याच्या कार्यालयात झालेल्या पत्रकार परिषदेत निवडक पत्रकारांशी बोलतांना ही माहिती दिली. प्रत्येक शहरातल्या नागरिकांनी पुढे येऊन गावाकऱ्यांसमवेत पाणलोटाचे काम करावे अशी अपेक्षा व्यक्त केली आहे.
‘पाणी फाऊंडेशन’ ही 2016 मध्ये ग्रामीण भागात दुष्काळाशी लढण्यासाठी दूरदर्शन मालिका ‘सत्यमेव जयते’ च्या टीमने स्थापित केलेल्या कंपनीसाठी नॉन- प्रॉफिट कंपनी आहे. पाणी टंचाई मुख्यत्वे एक मानवनिर्मित परिस्थिती आहे, आणि आमचा असा विश्वास आहे की केवळ लोकांच्या संघटित प्रयत्नांमुळे राज्यातील पाण्याचे संकट दूर होईल असा विश्वास त्याने व्यक्त केला.
दुष्काळाचे निर्मूलन करण्यासाठी या मोहिमेत नागरिकांनी एकत्र आणणे, प्रवृत्त करणे आणि त्यांना प्रशिक्षित करण्यासाठी संवादाची शक्ती वापरणे हा पाणी फाउंडेशनचा मुख्य उद्देश आहे. आतापर्यंत 90 टक्के दुष्काळग्रस्त महाराष्ट्रात पाणी फाऊंडेशनचे वैज्ञानिकवॉटरशेड व्यवस्थापन, नेतृत्व आणि समुदाय-उभारणीतील मोलाचे प्रशिक्षण देण्यात येत आहे. पाणलोट व्यवस्थापनात गावाने त्यांचे प्रशिक्षण लागू करण्यासाठी प्रोत्साहित करण्याचा एक मार्ग म्हणून 2016 मध्ये आमच्या प्रमुख प्रकल्पाला, सत्यमेव जयते पाणी कपची स्थापना केली.यंदा वॉटर कप स्पर्धा 8 एप्रिल ते 22 मे पर्यंत होणार आहे.
टीव्ही शो ‘सत्यमेव जयते’ यांनी आम्हाला शिकविले की, नागरिकांमध्ये एक मोठी शक्ती आहेत जे परिस्थिती बदलू शकते. आम्ही विचार केला की जर आपण एका विशिष्ट विषयावर काम करतो आणि सातत्यपूर्ण त्याकामावर रहातो, तर कदाचित आपण एक प्रचंड सामाजिक परिवर्तन घडवू शकतो. आम्ही निवडलेला मुद्दा पाणी होता. ग्रामीण महाराष्ट्रातील मोठया भागात दरवर्षी दुष्काळ, हजारो गावांना वाईट परिणाम करणारे आणि सामाजिक जीवनाच्या प्रत्येक पैलूंचा अपव्यय होतो. राज्यात 355 तालुक्यांमध्ये महाराष्ट्रात 43,665 गावे आहेत. आम्हाला आढळले आहे की, हिवरेबाजार, राळेगणसिद्धी, यासारख्या गावांमध्ये या पाणी समस्येचे संघटीत जनशक्ती एकत्र येऊन त्यांनी निराकरण केले आहे, असे अामिर खानने अभिमानाने सांगितले.
पाणी फाउंडेशनची कल्पना लोकांना सक्षम बनविण्यासाठी आणि लोकांना दुष्काळ विरोधात लढण्यासाठी एकत्र काम करण्यासाठी संवाद साधक म्हणून आपल्या कौशल्यांचा उपयोग करून सर्व स्पेक्ट्रममधील लोकांबरोबर काम करण्यासाठी गती मिळाली. पहिल्या वर्षी आम्ही 3 तालुक्यांमध्ये काम केले, दुसऱ्या वर्षी आम्ही 30 तालुक्यांत काम केले. तर यंदा 75 तालुक्यांत 9000 गावांमध्ये पाणलोट क्षेत्र निर्माण करण्याचे काम करत आहोत.या कामासाठी अामिर खानने तब्बल दोन महिने खास सुट्टी घेतली असून त्याची पत्नी किरण राव ही त्याला या पाणी फौंडेशनच्या कामात मोलाच सहकार्य करत आहे.भारतीय जैन संस्था ही पाणलोट क्षेत्र विकसित करण्यासाठी मोफत यंत्रसामुग्री देत असून इतर दानशूर देखील मोलाचे सहकार्य करत आहे असे त्याने अभिमानाने सांगितले.
या जलक्रांती अभियान चळवळीत राज्यातील नागरिक,विद्यार्थी यांनी येत्या 1 मे रोजी होणाऱ्या या महाश्रमदानात मोठ्या संख्येने सहभागी होऊन महाराष्ट्राला दुष्काळमुक्त करून एक जलक्रांती राज्य बनवा. असे आवाहन अामिर खानने शेवटी केले.