मुंबई : वैद्यकीय क्षेत्रात भारताने आज एक मोठी ऐतिहासिक झेप घेतली आहे. मुंबईतील कोकिलाबेन धीरूभाई अंबानी हॉस्पिटलने ५००० कि.मी. अंतरावरून जगातील पहिली आंतरराष्ट्रीय ‘रिमोट रोबोटिक शस्त्रक्रिया’ यशस्वीपणे पार पाडली आहे. विशेष म्हणजे, रुग्ण मुंबईत होते आणि त्यांच्यावर शस्त्रक्रिया करणारे सर्जन डॉ. टी. बी. युवराजा हे चीनमधील शांघायमध्ये बसून रोबोट नियंत्रित करत होते.
या प्रक्रियेत दोन रुग्णांवर ‘रॅडिकल प्रोस्टेटेक्टॉमी’ आणि ‘पार्शियल नेफ्रेक्टॉमी’ या गुंतागुंतीच्या युरोलॉजिकल शस्त्रक्रिया करण्यात आल्या. यासाठी ‘तौमाई’ या प्रगत रिमोट रोबोटिक सर्जरी सिस्टीमचा वापर करण्यात आला.
हॉस्पिटलचे सीईओ डॉ. संतोष शेट्टी यांनी या यशाबद्दल आनंद व्यक्त करताना सांगितले की, “या ऐतिहासिक कामगिरीमुळे आता भौगोलिक अंतर उपचारांच्या आड येणार नाही. दुर्गम भागातील रुग्णांनाही जागतिक दर्जाच्या तज्ज्ञांकडून घरबसल्या उपचार मिळणे आता शक्य होणार आहे.” भारतातील अशा प्रकारची ही पहिलीच ‘क्रॉस-बॉर्डर’ शस्त्रक्रिया आहे. (वा.प्र.)
Web Summary : Mumbai's Kokilaben Hospital achieved a medical feat, conducting the first international remote robotic surgery. A surgeon in Shanghai controlled a robot to operate on patients in Mumbai, marking a new era for remote medical interventions and accessibility for patients in remote locations.
Web Summary : मुंबई के कोकिलाबेन अस्पताल ने पहली अंतरराष्ट्रीय रिमोट रोबोटिक सर्जरी करके चिकित्सा क्षेत्र में इतिहास रचा। शंघाई में बैठे सर्जन ने मुंबई में मरीजों का रोबोट से ऑपरेशन किया, जिससे दूरस्थ चिकित्सा सेवाओं का नया युग शुरू हुआ।