पोषण आहार योजनेच्या स्वतंत्र यंत्रणेचे काम ठप्प

शालेय पोषण आहाराबाबत मुख्याध्यापकांवरील जबाबदारी कमी करण्यासाठी शालेय शिक्षण व क्रीडा विभागाने परिपत्रक काढले. परंतु दहा महिने होऊनही त्या परिपत्रकाची अंमलबजावणी करण्यात आी नाही.

बोर्ली-पंचतन : वडवली फाटा ते म्हसळा मुख्य रस्त्यावरील खानलोशी गावापासून १ किमी व मेंदडी गावाजवळील २ किमी रस्त्याची अवस्था दयनीय झाली आहे. सध्या हा रस्ता भल्या मोठ्या खड्ड्यांनी सजला आहे. पावसाळ्यानंतर अद्याप या रस्ता दुरुस्तीकडे बांधकाम खाते का दुर्लक्ष करीत आहेत, असा प्रश्न नागरिकांना पडला आहे.
बोर्ली पंचतनहून वडवली फाटा मार्गे म्हसळा हा मुख्य रस्ता येथील दळणवळणाच्या दृष्टीने अत्यंत महत्त्वाचा मानला जातो. मुंबई पुणे किंवा अन्य ठिकाणी म्हसळा, माणगावकडे जाण्या - येण्यासाठी याच रस्त्यावरून वाहनांची सतत वर्दळ असते. शिवाय दिवेआगर पर्यटनस्थळाकडे येण्यासाठीदेखील हाच महत्त्वाचा रस्ता आहे. या रस्त्यावरून अवजड वाहनांची वर्दळही असते. दिघी पोर्टवरून मालाची ने - आण करण्यासाठी याच मार्गाचा उपयोग होतो. परंतु सध्या काही दिवसासाठी दिघी पोर्टची वाहतूक मागील महिनाभर बंद आहे. या रस्त्याची पावसाळ्यानंतर कानलोशी स्टॉपच्या पुढे सुमारे १ किमी व नंतर मेंदडी-वारळ फाटा ते पुढे २ किमी अशी दयनीय अवस्था झाली आहे.