जुना फ्रीज विकणे पडले महागात

मुंबई : जुना फ्रीज विकत घेण्याच्या नावाखाली अंधेरीतील २८ वर्षीय विवाहितेची ५२ हजार ९८८ रुपयांना फसवणूक करण्यात आली. ठगाने क्यूआर कोड स्कॅन करण्यास सांगून खात्यातील रकमेवर ऑनलाइन डल्ला मारला. या प्रकरणी १ मे रोजी एन. एम. जोशी मार्ग पोलीस ठाण्यात गुन्हा दाखल करण्यात आला आहे.

......................................

माहीम येथील मेडिकलमध्ये चोरी

मुंबई : माहीम येथील न्यू आशिष मेडिकल ॲण्ड जनरल स्टोअर्सच्या शटरचे लाॅक तोडून तसेच आतील काचेचा दरवाजा ताेडून १६ हजार रुपयांची चाेरी करण्यात आली. १ मे रोजी मध्यरात्रीच्या सुमारास ही घटना घडली. या प्रकरणी शिवाजी पार्क पोलीस अधिक तपास करीत आहेत.

....................................

चारित्र्याच्या संशयावरून पत्नीची हत्या

मुंबई : कांदिवली पूर्वेकडील क्रांतीनगर भागात चारित्र्याच्या संशयावरून पत्नीची हत्या करण्यात आल्याची घटना नुकतीच घडली. या प्रकरणी कुरार पोलीस ठाण्यात हत्येचा गुन्हा दाखल करण्यात आला असून, पाेलीस चाैकशी सुरू आहे.

.....................................