Salim Dola Drugs Case: अंडरवर्ल्ड डॉन दाऊद इब्राहीमच्या जवळचा असलेल्या सलीम डोलाचे ड्रग्ज नेटवर्क उद्ध्वस्त करण्यासाठी ईडीने कारवाई सुरू केली आहे. ईडीने सलीम डोलाशी संबंधित मुंबईतील आठ ठिकाणांवर धाडी टाकल्या. बुधवारी (८ ऑक्टोबर) सकाळी धाडी टाकून मालमत्तांची झाडाझडती सुरू आहे.
'लोकमत'चं WhatsApp चॅनल फॉलो करा!
फैसल जावेद शेख आणि अल्फिया फैसल शेख हे ड्रग्ज रॅकेट चालवतात. त्यांचा थेट संबंध सलीम डोलाशी आहे. याच प्रकरणात ईडीने ही कारवाई केली आहे.
सलीम डोलाशी फैसल शेखचे कनेक्शन
ईडीने केलेल्या तपासात असे आढळून आले की, ड्रग्ज नेटवर्क चालवणारा फैसल शेख हा ड्रग्ज तस्करी करणाऱ्या नेटवर्कचा म्होरक्या सलीम डोलाच्या माध्यमातून एमडी (मेफेड्रोन ड्रग) खरेदी करत होता.
सलीम डोला हा बऱ्याच काळापासून केंद्रीय तपास यंत्रणांच्या रडारवर आहे. त्याच्यावर अंमली पदार्थंची तस्करी आणि हवालाच्या मार्फत पैशांची देवाण-घेवाण करण्याचा आरोप आहे. एनसीबीने त्याची माहिती देणाऱ्याला बक्षीस देण्याचीही घोषणा केली आहे.
डोलाचा मुलगा अटकेत
दाऊद इब्राहीमशी संबंध असलेल्या सलीम डोलाच्या मुलाला यावर्षीच दुबईतून भारतात आणण्यात आले. याच वर्षी जूनमध्ये त्याचे प्रत्यार्पण करण्यात आले होते. सलीम डोला एक आंतरराष्ट्रीय ड्रग्ज तस्कर आहे. देशाच्या वेगवेगळ्या भागात तस्करी करताना मोठा साठा पकडला गेलेला आहे. सलीम डोलाचा मुलगा ताहीरही याच धंद्यात आहे.
Web Summary : ED intensifies action against Salim Dola, Dawood Ibrahim's close associate, targeting his drug network. Raids conducted at eight locations in Mumbai linked to Dola. Faisal Sheikh, running the racket, procured MD drugs through Dola. His son was recently extradited from Dubai for involvement in drug trafficking.
Web Summary : दाऊद इब्राहिम के करीबी सलीम डोला के ड्रग्स नेटवर्क पर ईडी का शिकंजा कसा। मुंबई में डोला से जुड़े आठ ठिकानों पर छापे मारे गए। फैसल शेख, जो ड्रग्स रैकेट चलाता है, डोला के माध्यम से एमडी ड्रग्स खरीदता था। डोला का बेटा भी ड्रग्स तस्करी में शामिल है, जिसे दुबई से प्रत्यर्पित किया गया।