16 डिसेंबरपासून विमानतळ येथून पुणे व दापोलीसाठी एसटीची बससेवा सुरू

शिवनेरी (वातानुकूलित) व शिवशाही (वातानुकूलित) बससेवा १६ डिसेंबर २०१९ पासून छत्रपती शिवाजी महाराज विमानतळ टर्मिनस-१ (domestic) येथून पुणे व दापोलीसाठी  सुरू होणार आहे.

मुंबई- प्रवांशाच्या सोयीसाठी एसटी महामंडळामार्फत शिवनेरी (वातानुकूलित) व शिवशाही (वातानुकूलित) बससेवा १६ डिसेंबर २०१९ पासून छत्रपती शिवाजी महाराज विमानतळ टर्मिनस-१ (domestic) येथून पुणे व दापोलीसाठी  सुरू होणार आहे. शिवनेरी (वातानुकूलित)  बस बोरिवली - स्वारगेटच्या १७ फेऱ्या व शिवशाही (वातानुकूलित)  बस बोरिवली - दापोली च्या ३ फेऱ्या प्रवाशांच्या सोयीसाठी विमानतळ येथून सुरू होत आहेत.

प्रवाशांच्या माहितीसाठी सांताक्रूझ छत्रपती शिवाजी महाराज विमानतळ टर्मिनस-१ (domestic) येथे गाड्यांचे वेळापत्रकांचा फलक लावण्यात आला आहे; राज्य परिवहन महामंडळाचा अधिकृत  लोगो असलेला फलक व रा.प. महामंडळाची वेबसाईट व टोल फ्री क्रमांक असलेला फलक लावण्यात आला आहे;  ज्या ठिकाणी रा. प. बस चढ-उतारासाठी थांबणार आहेत त्या ठिकाणी प्रवाशांच्या माहितीसाठी प्रवाशी थांब्याचा फलक लावण्यात आला आहे. ;  प्रवाशांना माहिती देण्यासाठी व मार्गदर्शन करण्यासाठी २ सत्रामध्ये वाहतूक नियंत्रकाची नेमणूक करण्यात आली आहे;