टॅक्सीच्या धडकेत वृद्धेचा मृत्यू

टॅक्सीच्या धडकेत एका वृद्धेचा मृत्यू झाल्याची घटना पेडर रोड परिसरात मंगळवारी घडली.

मुंबई : टॅक्सीच्या धडकेत एका वृद्धेचा मृत्यू झाल्याची घटना पेडर रोड परिसरात मंगळवारी घडली. देवी मोलासी असे मृत महिलेचे नाव आहे.
सकाळी साडे अकराच्या सुमारास हा अपघात घडला. पेडर रोड येथून रस्ता ओलांडत असताना टॅक्सीच्या (क्रमांक एमएच ०१ बीडी २२६९) धडकेत मोलासी जखमी झाल्या. चालकाने त्यांना तत्काळ जवळच्या रुग्णालयात दाखल केले. तेथे उपचारादरम्यान महिलेचा मृत्यू झाला. घटनेची माहिती मिळताच गावदेवी पोलिसांनी रुग्णालयात धाव घेतली. या प्रकरणी ६५ वर्षीय चालक मोहम्मद सिद्दिकी तालीमला गावदेवी पोलिसांनी अटक केली.