'अप्पा, तुम्ही पाहिलेलं स्वप्न पूर्ण करण्यासाठी मी आयुष्य वेचेन, शब्द देतो'

'अप्पा, ऊसतोड कामगार बांधवांच्या कल्याणासाठी तुम्ही आयुष्यभर कष्ट केले. लोकसेवेचा तुमचा हा वसा आणि वारसा पुढे नेत असताना तुमच्याच नावाने ऊसतोड मजूर बांधवांसाठी महामंडळ सुरू केले आहे.

ठळक मुद्देअप्पा, तुम्हाला कृतज्ञतापूर्वक विनम्र अभिवादन;' अशा शब्दात धनंजय मुंडे यांनी ट्विट करून आपल्या भावना व्यक्त केल्या आहेत.

मुंबई - माजी केंद्रीय मंत्री आणि दिवंगत नेते गोपीनाथ मुंडे यांच्या पुण्यतिथीनिमित्त सामाजिक न्याय मंत्री धनंजय मुंडे यांनी मंत्रालयातील त्यांच्या कार्यालयात मुंडे यांच्या प्रतिमेस पुष्पहार अर्पण करून आदरांजली वाहिली. यावेळी, ऊततोड कामगारांसाठीची तुमची लढाई मी माझ्या खांद्यावर घेतली असून त्यांच्यासाठी आयुष्य वेचेन, अशा शब्दात आठवणी जागवत भावना व्यक्त केल्या.  

'अप्पा, ऊसतोड कामगार बांधवांच्या कल्याणासाठी तुम्ही आयुष्यभर कष्ट केले. लोकसेवेचा तुमचा हा वसा आणि वारसा पुढे नेत असताना तुमच्याच नावाने ऊसतोड मजूर बांधवांसाठी महामंडळ सुरू केले आहे. ऊसतोड कामगार बांधव आणि सर्व समाजासाठी तुम्ही पाहिलेली स्वप्न पूर्ण करण्यासाठी मी आयुष्य वेचेन, हा शब्द देतो. आज तुम्ही नाहीत परंतु तुमचे कार्य आणि विचार सदैव प्रेरणा देत आहेत. अप्पा, तुम्हाला कृतज्ञतापूर्वक विनम्र अभिवादन;' अशा शब्दात धनंजय मुंडे यांनी ट्विट करून आपल्या भावना व्यक्त केल्या आहेत.

लोकनेते स्व. गोपीनाथराव मुंडे साहेब (अप्पा) यांच्या स्मृतिदिनानिमित्त मंत्रालयातील कार्यालयात स्व. अप्पांच्या प्रतिमेस पुष्पहार अर्पण करून आदरांजली वाहिली.
अप्पा, लोकसेवेचा वसा जपताना तुम्ही सदैव पाठीशी असल्याची जाणीव मला सतत प्रेरणा देत राहील. pic.twitter.com/EIQHIwmeji

— Dhananjay Munde (@dhananjay_munde) June 3, 2021

धनंजय मुंडे यांच्या सामाजिक न्याय खात्याच्या वतीने बुधवारी ऊसतोड कामगारांच्या मुलांसाठी राज्यातील दहा जिल्ह्यातील 41 तालुक्यात 82 मुलामुलींची वसतिगृहे सुरू करण्याचा निर्णय घेण्यात आला. पहिल्या टप्प्यात 10 तालुक्यात एकूण वीस वसतिगृहे सुरू करण्यात येणार आहेत. राज्य मंत्रिमंडळाच्या कालच्या बैठकीत संत भगवानबाबा वसतिगृह योजनेस मंजुरी देण्यात आली होती. स्वर्गीय गोपीनाथराव मुंडे ऊसतोड कामगार कल्याण महामंडळाच्या माध्यमातून या वसतिगृहांची उभारणी करण्यात येणार आहे.