मुंबई - कोरोनाचा प्रादुर्भाव रोखण्यासाठी वैयक्तिक, कार्यालयीन अथवा कुठल्याही कारणासाठी सार्वजनिक ठिकाणी मास्क घालणे महापालिकेने बंधनकारक केले आहे. मास्क नसल्यास संबंधिताला अटकही होऊ शकते, असा इशारा आयुक्त प्रवीण परदेशी यांनी बुधवारी दिला. या आदेशाचे उल्लंघन करणाऱ्यावर पोलीस किंवा सहाय्यक आयुक्त यांनी नियुक्त केलेल्या अधिकाऱ्यांमार्फत कारवाई होणार आहे.राज्यात लागू करण्यात आलेल्या 'साथरोग प्रतिबंधात्मक कायदा १८९७' नुसार 'महाराष्ट्र कोविड १९ उपाययोजना नियम २०२०' अन्वये महापालिका आयुक्त यांना देण्यात आलेल्या अधिकारांचा वापर करून हे आदेश काढण्यात आले आहेत. कोरोनाचा प्रादुर्भाव रोखण्यासाठी एकमेकात किमान अंतर ठेवण्यासोबतच सर्वांनी मास्क घालणे बंधनकारक असल्याचे त्यांनी याबाबत काढलेल्या परिपत्रकातून स्पष्ट केले आहे.
Coronavirus: सार्वजनिक ठिकाणी मास्क घालणे बंधनकारक; मास्क नसल्यास होणार अटक
By ऑनलाइन लोकमत | Published: April 08, 2020 4:07 PM