प्रचारात बालकामगार?

tajlonaja,,,mnin,,, काम नको, शिक्षण द्या असा नारा देणारे विविध पक्षांचे उमेदवारच प्रचारासाठी सर्रास बालकामगारांची मदत घेत असल्याचे सध्या दिसून येत आहे.

शैलेश चव्हाण, तळोजा
मुलांना काम नको, शिक्षण द्या असा नारा देणारे विविध पक्षांचे उमेदवारच प्रचारासाठी सर्रास बालकामगारांची मदत घेत असल्याचे सध्या दिसून येत आहे. निवडणुकीच्या प्रचारासाठी दिवसेंदिवस वाढत चाललेला खर्च, पैसे देऊनही कामगारांची जाणवणारी वानवा यामुळे कमी खर्चात बालमजूर परवडणारे असल्याने त्यांचा प्रचाराच्या कार्यात सर्रास फायदा उठविला जात आहे.
उमेदवारांची पत्रके वाटण्यापासून प्रचार रॅलीत सहभाग घेणे, कार्यक्रमठिकाणी मान्यवरांची उठबस, सभांच्या ठिकाणची धावपळ यासाठी सध्या उमेदवारांना मोठे मनुष्यबळ लागते. अशावेळी कार्यकतर््यांचीही बोलीवर चांगलीच आदानप्रदान होते. मात्र बऱ्याचदा खर्चिक असल्याने बालमजुरीला विरोध करूनही कायद्याची पायमल्ली होत आहे. या मुलांचे प्रचारकार्यात सहकार्य
घेतले जात आहे. दिवसाचे चांगलेच पैसे मिळणार या आशेने मुले
अगदी शाळांनाही दांड्या मारून या प्रचारकार्यात उतरली आहेत.
कळंबोलीसह इतर परिसरातील सध्या विधानसभा उमेदवारांच्या कार्यकर्त्यांवर प्रचाराची सर्वात मोठी मदार असल्याचे दिसून येत आहे. यासाठी उमेदवार कार्यकर्त्यांना चांगले मानधन देत आहेत, मात्र कार्यकर्त्यांच्या गरज सरो आणि वैद्य मरोच्या भावनेमुळे अगदी अल्प दरांत पैशाचे आमीष दाखवून १२ ते १४ वयोगतातील मुले उन्हातान्हात उमेदवारांचा प्रचार डोर टू डोर करताना दिसत आहेत. यासाठी त्यांना दिवसाचा ४००- ५०० रुपयांचा आकडा सांगून ऐनवेळी केवळ १५० - २०० रुपयेच दिले जात असल्याचे समजते. यामुळे मुलांची सर्रास फसवूण होत आहे. तर मुलांकडून मात्र तक्रार केली जात नाही.
कळंबोली, कामोठा, पनवेल, खारघर परिसरात कार्यकतर््यांनी ही शक्कल लढविली असल्याने बालकामगार मात्र खाऊच्या पैशासाठी काम करू लागले आहेत.