मुंबई : उपनगरीय रेल्वे मार्गावरील रुळांची दुरुस्ती, तसेच सिग्नल यंत्रणेत काही तांत्रिक कामे करण्यासाठी रविवारी १७ डिसेंबर २०२३ रोजी मध्य आणि पश्चिम रेल्वे मार्गावर मेगाब्लॉक घेण्यात येणार आहे. मध्य रेल्वेच्या ठाणे ते कल्याण अप- डाऊन जलद मार्गावर, तर पश्चिम रेल्वेच्यामुंबई माहीम ते सांताक्रुझ अप- डाऊन जलद मार्गावर मेगाब्लॉक असणार आहे. हार्बर आणि ट्रान्सहार्बर मार्गावर मेगाब्लॉक नाही.
पश्चिम रेल्वे :
कुठे : माहीम ते सांताक्रुझ अप-डाऊन जलद मार्गावरकधी : सकाळी १० ते दुपारी ३ वाजेपर्यंतपरिणाम : या ब्लॉकदरम्यान माहीम ते सांताक्रुझ-अंधेरी स्थानकांदरम्यान सर्व जलद उपनगरीय लोकल सेवा धीम्या मार्गावर असून या ब्लॉकमुळे काही उपनगरीय सेवा रद्द राहतील, तर काही बोरीवली, अंधेरी गाड्या हार्बर मार्गावर गोरेगावपर्यंत चालविण्यात येणार आहे.
कुठे : ठाणे- कल्याण अप - डाऊन जलद मार्गावरकधी : सकाळी ११ ते दुपारी ३ वाजेपर्यंतपरिणाम : या ब्लॉकदरम्यान सीएसएमटी येथून सुटणाऱ्या डाऊन जलद लोकल सेवा ठाणे आणि कल्याण स्थानकांदरम्यान डाऊन धीम्या मार्गावर वळविण्यात येतील. त्यांच्या संबंधित थांब्यांनुसार कळवा, मुंब्रा आणि दिवा स्थानकांवर थांबून आपल्या गंतव्यस्थानी १० मिनिटे उशिराने पोहोचतील.
कल्याण येथून सुटणाऱ्या अप जलद लोकल सेवा कल्याण आणि ठाणे स्थानकांदरम्यान अप धीम्या मार्गावर त्यांच्या संबंधित थांब्यांव्यतिरिक्त वळविण्यात येतील.
दिवा, मुंब्रा आणि कळवा स्थानकांदरम्यान थांबून पुढे मुलुंड स्थानकावर अप जलद मार्गावर वळविण्यात येतील आणि आपल्या गंतव्यस्थानी १० मिनिटे उशिराने पोहोचतील.