मुंबई: मुंबई महानगरपालिका निवडणुकीच्या मतदानादरम्यान आज विलेपार्ले येथे एक धक्कादायक प्रकार समोर आला. प्रसिद्ध अभिनेत्री निवेदिता सराफ यांना मतदार यादीतील गोंधळामुळे मतदानासाठी तब्बल एक तास केंद्रावरून केंद्रावर चकरा माराव्या लागल्या. "निवडणूक आयोगाचा कारभार अत्यंत ढिसाळ आहे," अशा शब्दांत त्यांनी आपला संताप व्यक्त केला.
मी मतदान केंद्रावर गेले तेव्हा तेथील मतदार यादीत माझे नावच नव्हते. मला २५ नंबरला जाण्यास सांगण्यात आले. तिथे नाव सापडले. तुम्ही सगळ्या सोसायट्यांचे गट पाडलेले आहेत, त्या गटातील मतदार या मतदान केंद्रात येऊन मतदान करतील असे ठरविले आहे. मग का आमच्या बिल्डिंगची नावे नाहीत. माझे नाव आहे, पण सिरीज नंबरच लिहिलेला नाही. दुसरीकडे २५ नंबर असल्याचे सापडले. मी तिकडे गेले पण तोवर निवडणूक कर्मचारी गेली होती, अशी टीका सराफ यांनी केली. मोबाईल आतमध्ये नेऊ देत नाही, नाहीतर फोटो काढला असता, असे त्या म्हणाल्या.
निवडणूक आयोगाच्या या नियोजनाअभावी अनेक सामान्य मतदारांना मनस्ताप सहन करावा लागत असल्याचे चित्र आज मुंबईत पाहायला मिळाले. एवढेच नाही तर राज्याचे वनमंत्री गणेश नाईक आणि कुटुंबीयांचे देखील मतदार यादीत नाव नव्हते. तासभर शोधल्यानंतर त्यांचे नाव सापडले आणि त्यांनी मतदान केले.
Web Summary : Actress Nivedita Saraf faced voter list chaos in Mumbai, spending an hour searching for her name. She criticized the election commission's disorganized system. Even Minister Ganesh Naik and family struggled to find their names, highlighting widespread voter frustration.
Web Summary : अभिनेत्री निवेदिता सराफ को मुंबई में मतदाता सूची में गड़बड़ी का सामना करना पड़ा, नाम खोजने में एक घंटा लगा। उन्होंने चुनाव आयोग की अव्यवस्थित प्रणाली की आलोचना की। मंत्री गणेश नाइक और उनके परिवार को भी नाम ढूंढने में परेशानी हुई, जिससे व्यापक मतदाता निराशा उजागर हुई।