मुंबई - उत्तर भारतातून दक्षिणेकडे पुन्हा थंड वारे वाहण्यास सुरुवात झाली असल्याने मध्य महाराष्ट्र, मराठवाडा आणि उत्तर कोकणचा किमान तापमानाचा पारा शनिवारपासून खाली येणार आहे. मुंबईचे किमान तापमान १७तर राज्यभरातील किमान तापमान १० अंश सेल्सिसपर्यंत राहणार आहे.
ज्येष्ठ हवामान शास्त्रज्ञ कृष्णानंद होसाळीकर यांनी दिलेल्या माहितीनुसार, मध्य महाराष्ट्राच्या काही भागात थंडीची शक्यता आहे. यामध्ये पुणे जिल्ह्यासह लगतच्या परिसराचा समावेश असेल. तर मराठवाड्यातही पारा खाली उतरणार आहे. २ ते ३ डिसेंबरपर्यंत थंडी कायम राहील. उत्तर कोकणातही सकाळी किमान तापमानाचा पारा खाली येईल.
मंगळवारपर्यंत तापमान घट कायममुंबईचे किमान तापमान शुक्रवारी २० अंश सेल्सिअस नोंदविण्यात आले. हवामान अभ्यासक अश्रेय शेट्टी यांच्या म्हणण्यानुसार, मुंबईचे किमान तापमान १७अंश सेल्सिअस नोंदविण्यात येईल. मंगळवारपर्यंत तापमानातील घट कायम राहील. नवी मुंबईसह लगतच्या परिसरातील किमान तापमान १५ ते १६ असेल. तामिळनाडू चक्रीवादळाच्या प्रभावाखाली आहे. याचा परिणाम राज्यावर होणार नसला तरी हवेच्या दिशा बदलतील.
Web Summary : Mumbai, Maharashtra, and North Konkan are set to experience a cold wave. Mumbai's temperature will drop to 17°C and state temperature to 10°C. The cold spell is expected to last until December 3rd, with Navi Mumbai potentially reaching 15°C. While a cyclone impacts Tamil Nadu, Maharashtra will only experience shifting winds.
Web Summary : मुंबई, महाराष्ट्र और उत्तरी कोंकण में ठंड का प्रकोप बढ़ने वाला है। मुंबई का तापमान 17 डिग्री सेल्सियस और राज्य का तापमान 10 डिग्री सेल्सियस तक गिरने की संभावना है। यह ठंड 3 दिसंबर तक रहने की उम्मीद है, नवी मुंबई में तापमान 15 डिग्री सेल्सियस तक गिर सकता है। तमिलनाडु में चक्रवात का असर महाराष्ट्र पर नहीं होगा, केवल हवा की दिशा बदलेगी।