ऑनलाइन लोकमत
मुंबई, दि. 3 - बॉलिवूडचा दबंग सलमान खानच्या चाहत्यांसाठी एक खूशखूबर आहे. सुलतान सलमान खानचा "ट्युबलाइट" या आगामी सिनेमाच्या प्रदर्शनासाठी तारिख समोर आली आहे. हा सिनेमा 23 जून रोजी बॉक्सऑफिसवर झळकणार आहे. चित्रपट समीक्षक तरण आदर्श यांनी ही माहिती ट्विटरवर दिली आहे. इंडो-चायनिज प्रोजेक्ट ट्युबलाइट सिनेमाचं दिग्दर्शन कबीर करत आहेत. 2017 मधील बहुप्रतिक्षित आणि बहुचर्चित असा हा सिनेमा आहे.
सलमान खानच्या चाहत्यांनो तयार व्हा. ट्युबलाइट सिनेमाची रिलीज डेट निश्चित करण्यात आली आहे : 23 जून 2017.... कबीर खान- सलमान खान "बजरंगी भाईजान" नंतर पुन्हा येत आहेत, असे ट्विट तरण आदर्श यांनी केले आहे. कबीर यांनी ट्युबलाइट सिनेमापूर्वी "एक था टायगर" आणि "बजरंगी भाईजान" सारखे ब्लॉकबस्टर सिनेमा केले आहेत.
शाहरुख खान पाहुण्या कलाकाराच्या भूमिकेत?
सिनेमामध्ये सलमान खान एक जवानाच्या भूमिकेत दिसणार आहे. सलमान व्यतिरिक्त सिनेमात दिवंगत अभिनेते ओम पुरी (त्यांचा शेवटचा सिनेमा), सोहेल खान आणि चीनमधील अभिनेत्री झूझू यांनी महत्त्वपूर्ण भूमिका आहे. सूत्रांनी दिलेल्या माहितीनुसार, सलमानच्या ट्युबलाइट सिनेमात बॉलिवूडचा बादशाह शाहरुख खान पाहुण्या कलाकाराच्या भूमिकेत दिसणार आहे.
हा सिनेमा एका युद्धकहाणीवर चित्रित करण्यात आला आहे. सिनेमाचे बरेचसे शुटिंग लडाख आणि मनाली परिसरात करण्यात आलं आहे. दरम्यान, या सिनेमानं रिलीजपूर्वीच 20 कोटी रुपयांची कमाई केली आहे. सिनेमाचे म्युझिक राईट्स सोनीनं 20 कोटी रुपयांना विकत घेतले आहेत. विशेष म्हणजे सिनेमामध्ये केवळ तीनच गाणी आहेत.