शाहरुखच्या मन्नतमध्ये डिलिव्हरी बॉय बनून घुसण्याचा प्रयत्न; पण समोर आलं भलतंच सत्य! व्हिडीओ बघाच

Shahrukh Khan Fan: बॉलिवूड किंग खान म्हणून ओळखल्या जाणाऱ्या अभिनेता शाहरुख खानचा जगभरात चाहतावर्ग आहे. शाहरुख खान त्याच्या चित्रपटांशिवाय लाईफस्टाईलमुळे देखील चर्चेत असतो. त्याची फक्त एक झलक पाहण्यासाठी चाहते कायम उत्सुक असतात. शिवाय शाहरुख खान राहत असलेला मन्नत बंगला देखील कुतुहलाचा विषय आहे. किंग खानला भेटता यावं यासाठी चाहते नानविध प्रयोग करत असतात. अलिकडेच त्याच्या एका माथेफिरु चाहत्याने थेट मन्नतमध्ये घुसण्याचा प्रयत्न केला होता. अशातच नुकताच शाहरुख खानच्या एका जबरा फॅनचा व्हिडीओ सोशल मीडियावर व्हायरल होत आहे. या व्हिडीओने सगळ्यांचं लक्ष वेधून घेतलं आहे. काय आहे या व्हिडीओमागचं सत्य जाणून घेऊया...शाहरुख खानला भेटण्यासाठी शुभम प्रजापत नावाच्या चाहत्याने चक्क डिलीव्हरी बॉय बनून मन्नतमध्ये घुसण्याचा प्रयत्न केला.मात्र, त्याचा हा प्लॅन शाहरुखच्या गार्डने हाणून पाडला. दरम्यान, सोशल मीडियावर 'Madcap alive' या इन्स्टाग्राम पेजवर हा व्हिडीओ शेअर करण्यात आला आहे. सुरुवातीला हा इन्फ्ल्यूएन्सर तो मन्नतच्या बाहेर उभा राहतो आणि शाहरुखला भेटण्याची इच्छा व्यक्त करतो.पण,सुरक्षा रक्षक त्याला आत जाऊ देत नाहीत.त्यानंतर हा चाहता दोन कोल्ड कॉफी ऑर्डर करतो, एक स्वतःसाठी आणि एक 'किंग खान'च्या नावाने. ऑर्डर आल्यावर, शुभम खऱ्या डिलिव्हरी एजंटकडून बॅग घेतो आणि स्वतःला डिलिव्हरी बॉय बनून शाहरुखच्या घरात मागच्या गेटने जाण्याचा प्रयत्न करतो.मात्र, मागच्या गेटवर जेव्हा गार्ड त्याला ऑर्डर देणाऱ्या व्यक्तीचा नंबर डायल करण्यास सांगतात तेव्हा त्याचा गोंधळ उडतो आणि प्लॅन फसतो. मन्नतमध्ये जाऊन शाहरुखला भेटण्याची ही आशा घेऊन आलेल्या शुभमच्या हाती निराशाच लागते.सध्या,सोशल मीडियावर हा व्हिडीओ चांगलाच व्हायरल होत आहे.अनेकांनी या इन्फ्ल्यूएन्सरच्या धाडसाचं आणि कौतुक केलं आहे.या व्हिडीओवर एका नेटकऱ्याने कमेंट करत लिहिलंय की,"भावाने त्याच्या मेंदूचा पुरेपूर वापर केला...".तर अनेकांनी मन्नतच्या सुरक्षारक्षकाचं कौतुक केलंय.

प्राजक्ता गायकवाडचा साखरपुडा

सन ऑफ सरदार २

हृतिकचा 'वॉर २'

चला हवा येऊ द्या

फिल्मी : एप्रिलनंतरच करणार करिना ‘वीरे दी वेडिंग’ची शुटींग

फिल्मी : दीपिका ‘एमटीव्ही एमा’च्या मंचावर

फिल्मी : प्रियांकाला मिळावा ‘फेक हास्या’साठी अ‍ॅवॉर्ड

फिल्मी : Screening of film Ae Dil Hai Mushkil

फिल्मी : why farah khan attacks on Jacqueline Fernandez

फिल्मी : Stars in MAMI Festival 2016

फिल्मी : ‘काश्मीरच्या आशा भोसले’ राज बेगम कालवश

फिल्मी : पद्मावतीमध्ये दिसणार अदिती

फिल्मी : अमलाची मल्याळम सिनेमात वापसी!

फिल्मी : तृषा साकारणार ‘एनएच10’मधील अनुष्का!!