निवृत्तीनंतर तुमच्या कुटुंबालाही मिळेल पेन्शनचा आधार; जाणून घ्या 'फॅमिली पेन्शन'चे महत्त्वाचे नियम

What is Family Pension: निवृत्तीनंतर, पेन्शन हा एक आर्थिक स्रोत आहे जो तुम्हाला आणि तुमच्या कुटुंबाला मदत करतो. आज, आम्ही तुम्हाला कुटुंब पेन्शनबद्दल सांगणार आहोत.

What is Family Pension : निवृत्तीनंतर प्रत्येकाला हेच वाटते की, त्याला आणि त्याच्या कुटुंबाला कोणत्याही प्रकारची आर्थिक अडचण येऊ नये. यासाठी अनेकजण आधीच पेन्शनची सोय करून घेतात. जेणेकरून निवृत्तीनंतरही ते आपल्या कुटुंबासोबत आनंदाने राहू शकतील. याच पेन्शन योजनेच्या संदर्भात आज आपण 'फॅमिली पेन्शन'बद्दल जाणून घेणार आहोत.

काय असते 'फॅमिली पेन्शन'?फॅमिली पेन्शन ही पेन्शन योजनेचाच एक भाग आहे, ज्यात जर पेन्शनधारकाचा (उदा. पती) मृत्यू झाला, तर त्याची पेन्शन त्याच्या पत्नीला हस्तांतरित होते. हे सहसा पतीने पत्नीला 'नॉमिनी' म्हणून नियुक्त केले असल्यामुळे शक्य होते. जर पेन्शनधारकाचा मृत्यू ६० वर्षांनंतर झाला, तर पत्नीला पतीच्या अर्धी पेन्शन दिली जाते. आणि पेन्शनधारकाचा मृत्यू ६० वर्षांपूर्वी झाला, तर पत्नीला पूर्ण पेन्शन मिळते.

पत्नी नसताना पेन्शन कोणाला मिळते?जर पेन्शनधारकाचा मृत्यू झाला आणि त्याला पत्नी नसेल, तर पेन्शन त्यांच्या मुलांना मिळते. मात्र, यासाठी काही नियम आहेत.नियमांनुसार, मुलांना पेन्शन मिळवण्यासाठी त्यांची वयोमर्यादा २५ वर्षांपेक्षा कमी असावी.EPFO (कर्मचारी भविष्य निर्वाह निधी संघटना) नुसार, जर पेन्शनधारकाला दोन मुले असतील, तर त्यांच्या निधनानंतर पेन्शनची रक्कम अर्धी-अर्धी वाटून मुलांना दिली जाते.जर एखाद्या पेन्शनधारकाचे अपत्य शारीरिकदृष्ट्या अक्षम असेल, तर त्यांना आयुष्यभर ७५% पेन्शन दिली जाते.

दोन पत्नी असल्यास पेन्शन कोणाला मिळेल?जर कुटुंबात एकापेक्षा जास्त पत्नी असतील, तर फॅमिली पेन्शनचा अधिकार केवळ त्याच पत्नीला मिळतो, जिचे लग्न कायदेशीरदृष्ट्या वैध आहे आणि जिचे नाव नॉमिनी म्हणून नोंदवले गेले आहे.

वाचा - जगातील सर्वात मोठे स्टेडियम ते स्टॅच्यू ऑफ युनिटी... बांधणारी L&T चे खरे मालक कोण? कुठे झाली स्थापना?

सरकारी नियमांनुसार, पेन्शन त्याच जोडीदाराला दिली जाते जो वैध विवाहामध्ये आहे आणि ज्याची नोंद सरकारी रेकॉर्डमध्ये केली आहे. त्यामुळे, 'फॅमिली पेन्शन' ही निवृत्तीनंतर कुटुंबासाठी एक महत्त्वाचा आर्थिक आधार ठरते.