मार्च महिना सुरू होण्यास फक्त एक दिवस शिल्लक आहे. नवीन महिन्याच्या सुरुवातीपासून काही नियम बदलतात. त्याचप्रमाणे, १ मार्च २०२५ पासून अनेक मोठे नियम बदलणार आहेत. ज्याचा परिणाम तुमच्या खिशावर होऊ शकतो. काही जण पैसे सुरक्षित ठेवण्यासाठी फिक्स्ड डिपॉझिटमध्ये (FD) गुंतवणूक करतात. अशा लोकांसाठी ही बातमी खूप महत्त्वाची आहे.
मार्च २०२५ पासून बँक एफडीच्या नियमांमध्ये काही मोठे बदल होणार आहेत. हे नवीन नियम केवळ तुमच्या रिटर्नवरच परिणाम करू शकत नाहीत तर तुमच्या कर आणि पैसे काढण्याच्या पद्धतींवरही परिणाम करू शकतात. त्यामुळे जर तुम्ही भविष्यात एफडी करण्याचा विचार करत असाल तर हे बदल समजून घेणे तुमच्यासाठी फायदेशीर ठरू शकते.
एफडीवरील व्याजदरात बदलमार्च २०२५ पासून बँकांनी एफडीवरील व्याजदरात काही बदल केले आहेत. व्याजदर वाढू किंवा कमी होऊ शकतात, आता बँका आपल्या तरलता आणि आर्थिक गरजांनुसार व्याजदरांमध्ये लवचिकता ठेवू शकतात. लहान गुंतवणूकदारांवर, विशेषतः ज्यांनी ५ वर्षे किंवा त्यापेक्षा कमी कालावधीसाठी एफडी केली आहे, त्यांच्यावर नवीन दरांचा परिणाम होऊ शकतो. लहान गुंतवणूकदारांवर परिणाम: ज्यांनी ५ वर्षे किंवा त्यापेक्षा कमी कालावधीसाठी एफडी केली आहे, त्यांच्यावर नवीन दरांचा परिणाम होऊ शकतो.
एलपीजी किंमततेल कंपन्या दर महिन्याच्या पहिल्या दिवशी एलपीजीच्या किमतींचा आढावा घेतात. अशा परिस्थितीत, १ मार्च २०२५ रोजी सकाळी तुम्हाला सिलिंडरच्या किमतीत बदल होण्याची शक्यता आहे. बदल केलेल्या किंमती १ मार्चला सकाळी सहा वाजता जाहीर केल्या जाऊ शकतात.
एटीएफ आणि सीएनजी-पीएनजी दरदरम्यान, दर महिन्याच्या १ तारखेला तेल कंपन्या विमान इंधन म्हणजेच एअर टर्बाइन फ्युएल (एटीएफ) आणि सीएनजी-पीएनजीच्या किमती देखील बदलतात.