Mahindra Scorpio खरेदी करण्यासाठी किती हवी सॅलरी; जाणून घ्या EMIचं संपूर्ण गणित

Mahindra Scorpio Purchase: देशातील रस्त्यांवर राज्य करणारी महिंद्रा स्कॉर्पियो आजही लाखो लोकांची पहिली पसंती आहे. आपली दमदार बॉडी, रफ-एंड-टफ लूक आणि पॉवरफुल परफॉर्मन्समुळे ही एसयूव्ही सर्व वयोगटातील लोकांना आकर्षित करते.

Mahindra Scorpio Purchase: देशातील रस्त्यांवर राज्य करणारी महिंद्रा स्कॉर्पियो (Mahindra Scorpio) आजही लाखो लोकांची पहिली पसंती आहे. आपली दमदार बॉडी, रफ-एंड-टफ लूक आणि पॉवरफुल परफॉर्मन्समुळे ही एसयूव्ही सर्व वयोगटातील लोकांना आकर्षित करते. जर तुम्हीही २०२६ मध्ये स्कॉर्पियो खरेदी करण्याचं स्वप्न पाहत असाल, तर त्यावरील फायनान्स आणि पगाराचं पूर्ण गणित समजून घेऊया.

किंमत आणि डाउन पेमेंटचं गणित

महिंद्रा स्कॉर्पियो क्लासिकची सुरुवातीची एक्स-शोरूम किंमत सुमारे १३ लाख रुपयांपासून सुरू होते, जी टॉप मॉडेलसाठी १६.९० लाख रुपयांपर्यंत जाते. इन्शुरन्स, रजिस्ट्रेशन आणि टॅक्स मिळून याची ऑन-रोड किंमत १५.५० लाख ते २० लाख रुपयांच्या दरम्यान पडते.

आज सोन्या-चांदीच्या किमतीत घसरण; उच्चांकापासून १,९२,००० नं घसरली चांदी; चेक करा दिल्ली, मुंबई, चेन्नईचे लेटेस्ट रेट

EMI चा पूर्ण हिशोब

समजा तुम्ही स्कॉर्पियोचं बेस मॉडेल निवडलं आणि सुमारे ३.५ लाख रुपये डाउन पेमेंट म्हणून जमा केले, तर तुम्हाला जवळपास १२ लाख रुपयांचं कर्ज घ्यावं लागेल.

EMI किती असेल?

जर तुम्हाला १३ लाख रुपयांचं कर्ज ९% व्याजदराने ५ वर्षांसाठी मिळालं, तर तुमचा हप्ता (Installment) दरमहा सुमारे २५,००० रुपयांच्या आसपास येईल. याशिवाय, स्कॉर्पियोसारख्या मोठ्या गाडीचा महिन्याचा इंधन आणि मेंटेनन्स खर्च किमान ८,००० ते १०,००० रुपयांच्या दरम्यान असतो.

तुमचा पगार किती असावा?

आर्थिक तज्ज्ञांचा २०/४/१० नियम सांगतो की, तुमच्या कारचा ईएमआय (EMI) तुमच्या एकूण मासिक इन-हँड पगाराच्या १५% ते २०% पेक्षा जास्त नसावा. जर तुमचा ईएमआय २५,००० रुपये असेल, तर तुमचा मासिक टेक-होम पगार किमान १.२५ लाख ते १.५० लाख रुपये असावा. जर तुमचा पगार ८०,००० ते १,००,००० रुपयांच्या दरम्यान असेल, तर तुम्हाला डाउन पेमेंटची रक्कम वाढवावी लागेल (किमान ६-७ लाख रुपये), जेणेकरून ईएमआयचा बोजा कमी होऊ शकेल.

या गोष्टींचीही काळजी घ्या

गाडी खरेदी करणे म्हणजे केवळ ईएमआय भरणे नव्हे. स्कॉर्पियोसोबत तुम्हाला दरवर्षी मोठा इन्शुरन्स प्रीमियम आणि वेळोवेळी सर्व्हिसिंगचा खर्चही उचलावा लागेल. त्यामुळे, जर तुमच्यावर आधीच होम लोन किंवा इतर कोणतेही कर्ज असेल, तर बजेटचे नियोजन अधिक सावधगिरीनं करा.