myAadhaar : भारतीय विशिष्ट ओळख प्राधिकरणाने (UIDAI) आधार कार्ड धारकांना एक मोठा दिलासा दिला आहे! आधार मोफत ऑनलाइन अपडेट करण्याची अंतिम तारीख आता १४ जून २०२६ पर्यंत वाढवण्यात आली आहे. या निर्णयामुळे ज्यांना त्यांचे आधार मोफत अपडेट करायचे आहे, त्यांना आता एक वर्षाचा अतिरिक्त वेळ मिळाला आहे.
मोफत अपडेट कसे कराल?ज्या नागरिकांना त्यांचे आधार कार्ड मोफत अपडेट करायचे आहे, ते myAadhaar पोर्टलवर जाऊन आपली आवश्यक कागदपत्रे ऑनलाइन अपलोड करू शकतात. यामध्ये पत्ता, नाव, जन्मतारीख यांसारख्या लोकसंख्याशास्त्रीय (Demographic) माहितीमध्ये बदल करता येतात. या सुविधेमुळे देशभरातील लाखो आधार धारकांना फायदा होण्याची अपेक्षा आहे.
UIDAI ने 'X' (पूर्वीचे ट्विटर) या सोशल मीडिया प्लॅटफॉर्मवर ही माहिती दिली आहे. त्यांनी म्हटले आहे की, "लाखो आधार धारकांना फायदा व्हावा यासाठी UIDAI ने मोफत ऑनलाइन दस्तऐवज अपलोड सुविधा १४ जून २०२६ पर्यंत वाढवली आहे. ही मोफत सेवा फक्त myAadhaar पोर्टलवर उपलब्ध आहे." UIDAI लोकांना आपले कागदपत्रे आधारमध्ये अद्ययावत (Update) ठेवण्यासाठी प्रोत्साहन देत आहे.
कोणी आधार अपडेट करावे?UIDAI ने विशेषतः अशा आधार धारकांना त्यांचे रेकॉर्ड अपडेट करण्याचे आवाहन केले आहे, ज्यांनी१० वर्षांपूर्वी आधार कार्ड मिळवले आहे आणि तेव्हापासून त्यांचे कागदपत्रे अपडेट केलेली नाहीत.ज्या व्यक्तींचे नाव, पत्ता किंवा इतर लोकसंख्याशास्त्रीय तपशील बदलले आहेत, त्यांच्यासाठीही हे अपडेट करणे महत्त्वाचे आहे.
मोबाईल नंबर किंवा बायोमेट्रिक्स कसे अपडेट कराल?जर तुम्हाला तुमचा मोबाईल नंबर, ईमेल पत्ता, बायोमेट्रिक्स (फिंगरप्रिंट, आयरिस) किंवा फोटो अपडेट करायचा असेल, तर त्यासाठी तुम्हाला जवळच्या आधार नोंदणी/अपडेट केंद्राला भेट द्यावी लागेल आणि तिथे लागू असलेले शुल्क भरावे लागेल.
लक्षात ठेवा, मोफत कागदपत्रे अपडेट सेवा फक्त myAadhaar पोर्टलद्वारेच उपलब्ध आहे आणि ती १४ जून २०२६ पर्यंत मोफत राहील. या अंतिम मुदतीनंतर, नियमित शुल्क लागू होण्याची शक्यता आहे. त्यामुळे, मुदत संपेपर्यंत आपल्या आधारमधील आवश्यक कागदपत्रे मोफत अपडेट करून घ्या!