नवी दिल्ली- देशात जीएसटी(वस्तू आणि सेवाकर) लागू झाल्यानंतर पहिल्यांदाच एप्रिल महिन्यात जीएसटी वसुली 1 लाख कोटींच्या घरात पोहोचली आहे. महिन्याभरात सरकारनं 1 लाख कोटी रुपयांची वसुली केल्याची आकडेवारी केंद्रीय अर्थमंत्रालयानं जाहीर केली आहे. न्यूज एजन्सी एएनआयच्या वृत्तानुसार, एप्रिल महिन्यात 1,03,458 कोटींची जीएसटी वसुली झाली आहे. केंद्रीय वस्तू आणि सेवा करातून आतापर्यंत 18,652 कोटी रुपयांची वसुली झाली आहे. तर राज्य वस्तू आणि सेवा करातून आतापर्यंत 25,704 कोटी रुपये वसूल केले आहेत. तर या सर्व एकत्रित जीएसटी 50,548 कोटी रुपयांपर्यंत वसुली करण्यात आली आहे.तर सेस 8554 कोटी रुपयांपर्यंत वसूल करण्यात आला आहे. यावेळी केंद्रीय अर्थमंत्री अरुण जेटलींनी एवढा जीएसटी वसूल झाल्यामुळे भागधारकांचे आभारही व्यक्त केले आहेत. जीएसटीला मिळालेलं हे ऐतिहासिक यश असून, वाढत्या आर्थिक हालचालींच्या दृष्टीनं फायदेशीर आहे. त्यामुळे मी करदात्यांचं अभिनंदन करतो, असं ट्विट अरुण जेटलींनी केलं आहे.
महिन्याला सुमारे 90 हजार कोटीयाशिवाय 62,021 कोटी रुपये उपकराचेही (आयातीवरील 5,702 कोटींसह) सरकारला मिळाले आहेत. ऑगस्ट ते मार्च या काळातील सरासरी मासिक वसुली 89,885 कोटी रुपये राहिली आहे.