बिटकॉइनचा धमाका! ९६ हजार डॉलर्सचा टप्पा ओलांडून २ महिन्यांच्या उच्चांकावर; पुढे काय होईल?

BitCoin Price: २०२५ मध्ये मंदीनंतर, मार्केट कॅपनुसार जगातील सर्वात मोठे क्रिप्टो बिटकॉइन आता वेग पकडत आहे. आज ते ९६,००० डॉलरच्या पुढे गेले आहे.

Bitcoin Price : जागतिक क्रिप्टोकरन्सी बाजारात आज उत्साहाचे वातावरण पाहायला मिळाले. जगातील सर्वात मोठी क्रिप्टोकरन्सी असलेल्या बिटकॉइनने आज १४ जानेवारी रोजी ९६,००० डॉलर्सचा महत्त्वपूर्ण स्तर ओलांडत दोन महिन्यांतील सर्वोच्च उच्चांक गाठला. वर्षाच्या सुरुवातीपासूनच बिटकॉइनने गुंतवणूकदारांना १० टक्क्यांहून अधिक परतावा दिला असून, आज एकाच दिवसात यात ५ टक्क्यांहून अधिक वाढ नोंदवण्यात आली.

का वधारली बिटकॉइनची किंमत?२०२५ मध्ये काहीशी सुस्त राहिलेली बिटकॉइनची चमक २०२६ च्या सुरुवातीलाच पुन्हा परतली आहे. या तेजीमागे अमेरिकेतील महागाईची आकडेवारी मुख्य कारण ठरली आहे. अमेरिकेत डिसेंबर महिन्यातील वार्षिक महागाई २.७% राहिली, जी नोव्हेंबरच्या तुलनेत स्थिर आणि विश्लेषकांच्या अंदाजानुसार आहे. अन्न आणि ऊर्जा वगळून कोर इन्फ्लेशन २.६% राहिले, जे अपेक्षेपेक्षा (२.७%) कमी आहे. या आकडेवारीमुळे अमेरिकन फेडरल रिझर्व्ह व्याजदरात कपात करेल, अशी आशा निर्माण झाली असून अवघ्या काही मिनिटांत बिटकॉइनमध्ये १,५०० डॉलर्सची उसळी पाहायला मिळाली.

'गोल्ड कॅच-अप नॅरेटिव्ह' आणि पुढील कलआर्कटिक डिजिटलचे रिसर्च हेड जस्टिन डी’एनेथन यांच्या मते, बिटकॉइन आता 'गोल्ड कॅच-अप' मोडमध्ये आहे. जेव्हा सोन्याच्या किमतीत मोठी तेजी येते, तेव्हा बिटकॉइनसारख्या पर्यायी मालमत्तेची मूल्येही सोन्याच्या बरोबरीने वाढू लागतात, यालाच आर्थिक भाषेत 'गोल्ड कॅच-अप नॅरेटिव्ह' म्हटले जाते. मध्यम कालावधीत गुंतवणूकदार बिटकॉइनकडे 'डिजिटल गोल्ड' म्हणून अधिक आकर्षित होतील, असा अंदाज वर्तवला जात आहे.

टॉप-१० क्रिप्टोकरन्सीची स्थिती (१४ जानेवारी २०२६)केवळ बिटकॉइनच नाही, तर टॉप-१० मधील इतर सर्व महत्त्वाच्या क्रिप्टो मालमत्ता आज 'ग्रीन झोन'मध्ये व्यवहार करत आहेत.

क्रिप्टोकरन्सी	सध्याचा भाव (डॉलर)	२४ तासांतील बदल
बिटकॉइन (BTC)	९५,००८.९२	+ ३.२५%
एथेरियम (ETH)	३,३३७.५०	+ ६.६८%
सोलाना (SOL)	१४४.७४	+ ३.०६%
डॉगकॉइन (DOGE)	०.१४८४	+ ६.९२%
कार्डानो (ADA)	०.४२५९	+ ८.७८%

वाचा - IT कंपनीत ५ वर्षे काम, पण पगार वाढण्याऐवजी घटला! जावा डेव्हलपरची 'Reddit' पोस्ट व्हायरल

गुंतवणूकदारांसाठी टीपबिटकॉइनने ९६,०११.६२ डॉलर्सचा इंट्रा-डे उच्चांक गाठल्यामुळे तांत्रिकदृष्ट्या हा एक 'ब्रेकआउट' मानला जात आहे. जर हा कल कायम राहिला, तर बिटकॉइन लवकरच १ लाख डॉलर्सचा ऐतिहासिक टप्पा पार करेल, अशी चर्चा आता जागतिक बाजारात सुरू झाली आहे.