PNB Revised Locker Charges: पंजाब नॅशनल बँकेने (पीएनबी) आपल्या ग्राहकांसाठी काही सेवा शुल्कात बदल केले आहेत. बँकेनं दिलेल्या माहितीनुसार, हे बदल १ ऑक्टोबर २०२५ पासून लागू होतील. यामध्ये लॉकरचं भाडं, स्टॉप पेमेंट इन्स्ट्रक्शन, स्टँडिंग इन्स्ट्रक्शन (एसआय) फेल्युअर चार्ज आणि नॉमिनेशन चार्ज यांचा समावेश आहे.
स्टॉप पेमेंट चार्ज
स्टॉप पेमेंट इंस्ट्रक्शन म्हणजे जर ग्राहकाने चेक जारी केला असेल आणि त्याचे पेमेंट थांबवायचे असेल तर. आतापर्यंत पीएनबी यासाठी प्रति इन्स्ट्रुमेंट ₹१०० आकारते. तर, जर एकाच वेळी तीन किंवा अधिक चेकचे पेमेंट थांबवण्याचे निर्देश दिले गेले तर ₹३०० आकारले जातात. नवीन नियमानुसार, प्रति इन्स्ट्रुमेंट शुल्क समान राहील म्हणजेच ₹१००. परंतु जर पाच किंवा अधिक चेकचे पेमेंट थांबवण्याचे निर्देश दिले गेले तर ₹५०० शुल्क आकारले जाईल.
Urban Company IPO लाँच, जबरदस्त ग्रोथ आणि अधिक मूल्यांकन; काय आहे अधिक माहिती, गुंतवणूक करावी का?
लॉकर रेटमध्ये बदल
पीएनबीने लॉकरच्या भाड्यात मोठा बदल केला आहे. नवीन दर लॉकरच्या आकारावर आणि शाखेच्या स्थानावर अवलंबून असतील. नवीन दर पुढील वार्षिक भाड्याच्या देय तारखेपासून लागू होतील.
लहान लॉकर्स
ग्रामीण: ₹१,००० (कोणताही बदल नाही)निम-शहरी: ₹१,५०० (पूर्वी ₹१,२५०)शहरी/महानगर: ₹२,००० (कोणताही बदल नाही)
मध्यम लॉकर
ग्रामीण: ₹२,५०० (पूर्वी ₹२,२००)निम-शहरी: ₹३,००० (पूर्वी ₹२,५००)शहरी/महानगर: ₹४,००० (पूर्वी ₹३,५००)
मोठे लॉकर
ग्रामीण: ₹४,००० (पूर्वी ₹२,५००)निम-शहरी: ₹५,००० (पूर्वी ₹३,०००)शहरी: ₹६,५०० (पूर्वी ₹५,५००)शहरी/महानगर: ₹७,००० (पूर्वी ₹५,५००)
खूप मोठे लॉकर्स
ग्रामीण: ₹६,००० (कोणताही बदल नाही)निम-शहरी: ₹७,००० (पूर्वी ₹६,०००)शहरी: ₹८,५०० (पूर्वी ₹८,०००)मेट्रो: ₹९,००० (पूर्वी ₹८,०००)
वन टाईम रजिस्ट्रेशन चार्ज
लॉकर वाटप करताना वन टाईम रजिस्ट्रेशन शुल्क देखील आकारलं जातं. आतापर्यंत, ग्रामीण आणि निम-शहरी शाखांमध्ये यासाठी शुल्क ₹२००, शहरी आणि महानगरांमध्ये ₹५०० आहे. तर, नवीन नियमानुसार, ग्रामीण आणि निम-शहरी शाखांमध्ये सर्व आकारांसाठी शुल्क ₹२००, शहरी/महानगरांमध्ये लहान आणि मध्यम लॉकर्ससाठी ₹५०० आणि शहरी/महानगरांमध्ये मोठ्या, अतिरिक्त मोठ्या आणि अतिरिक्त मोठ्या लॉकर्ससाठी ₹१,००० आहे.
स्टँडिंग इन्स्ट्रक्शन (SI) फेल्युअर चार्ज
SI म्हणजे बँकेकडून देय तारखेला कोणतेही पेमेंट किंवा व्यवहार ऑटोमॅटिक करणं. आतापर्यंत, जर खात्यात पैसे नसल्यामुळे SI फेल झाला, तर PNB प्रत्येक व्यवहारासाठी ₹१०० आकारते. नवीन नियमानुसार, आता दर महिन्याला फेल्युअरवर फ्लॅट ₹१०० + GST शुल्क आकारलं जाईल. ते एकदा किंवा तीनदा फेल झालं तरी, शुल्क फक्त ₹१०० राहील. एका महिन्यात जास्तीत जास्त ३ एसआयला (जसे की टर्म लोन, रिकरिंग डिपॉझिट इ.) परवानगी असेल.
नॉमिनी शुल्क
खात्यात किंवा लॉकरमध्ये नॉमिनी जोडण्यासाठी पहिल्यांदाच कोणतंही शुल्क नाही. त्यानंतर, प्रत्येक बदलासाठी ₹१०० शुल्क आकारलं जातं. नवीन नियमानुसार, पहिल्यांदाच नॉमिनी जोडणं मोफत असेल. त्यानंतर, प्रत्येक बदलावर ₹१०० शुल्क आकारलं जाईल. परंतु जर नामांकित व्यक्तीचा मृत्यू झाला तर त्यासाठी कोणतंही शुल्क आकारले जाणार नाही.