Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

Ayodhya Ram Mandir News: अयोध्येतील राम मंदिराचे आकर्षण यच्किंचितही कमी झालेले नाही. पंतप्रधान नरेंद्र मोदी यांनी राम मंदिराचे लोकार्पण करून एक वर्षाहून अधिक काळ लोटला तरी राम मंदिरात रामललाचे दर्शन घेण्यासाठी भाविकांचा जनसागर लोटत आहे. अयोध्येतील राम मंदिरात आता दुसऱ्यांदा श्रीराम नवमी साजरी केली जाणार आहे. श्रीराम नवमीच्या निमित्ताने भाविकांची मोठ्या प्रमाणात गर्दी होऊ शकते, असा कयास असून, राम मंदिर प्रशासनाने जय्यत तयारी सुरू केली आहे. यातच श्रीराम जन्मभूमि तीर्थक्षेत्र ट्रस्टकडून भाविकांसाठी आता मोठा निर्णय घेण्यात आला आहे. अलीकडेच झालेल्या महाकुंभमेळ्याच्या पार्श्वभूमीवर अयोध्येत येणाऱ्या भाविकांनी आणि पर्यटकांनी आतापर्यंतचे सगळे रेकॉर्ड ब्रेक केले. अभूतपूर्व गर्दी अयोध्येत लोटली. यातच आता चैत्र महिन्यातील राम नवरात्र सुरू आहे. या पार्श्वभूमीवरही अयोध्येत येऊन रामललाचे दर्शन घेणाऱ्या भाविकांची संख्या वाढतच चालली आहे. यातच आता रामललाचे दर्शन घेतल्यावर भाविकांना राम मंदिरातच प्रसाद देण्याबाबत निर्णय घेण्यात आला आहे. भाविकांना सीतामाईचेही आशिर्वाद लाभणार; कसे?श्रीराम नवमीच्या निमित्ताने अयोध्येत येणाऱ्या भाविकांसाठी दर्शन, पूजनासोबतच राम मंदिरातून बाहेर पडताना श्रीरामांचा प्रसाद दिला जाणार आहे. अयोध्येत येणाऱ्या भाविकांसाठी राम मंदिर ट्रस्टने आणखी एक सुविधा उपलब्ध करून दिली आहे. आता भाविक राम मंदिरातून परततील, तेव्हा त्यांना बाहेर पडण्याच्या मार्गावर भगवान रामाचा प्रसाद दिला जाईल. अंगद टीला येथे राम मंदिरात येणाऱ्या भाविकांसाठी बाहेर पडण्याच्या मार्गाची व्यवस्था करण्यात आली आहे. राम मंदिर ट्रस्ट सीता रसोई चालवत आहे. राम नवरात्राच्या पहिल्या दिवसापासून सुरू झालेली सीता रसोई आता भाविकांसाठी कायम कार्यरत राहणार आहे. सीता रसोईत तयार झालेला प्रसाद पहिल्या दिवशी ७० हजारांहून अधिक रामभक्तांनी घेतला, तर दुसऱ्या दिवशी ही संख्या ५० हजारांच्या वर पोहोचली. राम मंदिर ट्रस्ट संचालित सीता रसोईच्या प्रभारींनी सांगितले की, राम मंदिर ट्रस्टकडून बाहेर पडण्याच्या मार्गावर सीता रसोई चालवली जात आहे. येथे, रामभक्त मोठ्या उत्साहाने रामललाला अर्पण केलेला नैवेद्य हा प्रसाद स्वरुपात घेत आहेत. अयोध्येत पोहोचलेले भाविक मंदिरात दर्शन आणि पूजा केल्यानंतर भावूक होत आहेत आणि राम मंदिर ट्रस्टचे कौतुकही करत आहेत.दरम्यान, राम मंदिर ट्रस्ट अयोध्येत येणाऱ्या राम भक्तांना मोफत लॉकर सेवा, चरण पादुका सेवा आणि मोफत पास देते. पण आता रामभक्तांना भगवान रामाचा प्रसादही मिळणार आहे. तसेच श्रीराम नवमीच्या निमित्ताने अयोध्येत लाखोंच्या संख्येत येणाऱ्या भाविकांची गैरसोय होऊ नये, यासाठीही अनेक उपाययोजना केल्या जात असल्याचे सांगितले जात आहे.

५० वर्षानंतरही अयोध्येतील राम मंदिर पाडले जाऊ शकते, तोगडियांनी सांगितलं 'कारण'

NIA Raid: मोठ्या नेत्याची हत्या आणि श्री राम मंदिर उडवण्याचा कट; NIAच्या हाती लागला VIDEO

गोरखपूरमध्ये शाळीग्राम शिळांच्या पूजनासाठी गर्दी, मुक्कामानंतर अयोध्येकडे रवाना

नेपाळमधील शाळीग्राम शिळापासूनच का बनतेय प्रभू श्रीरामांची मूर्ती, काय आहे महत्त्व

Ram Mandir: नेपाळमधील नदीतील ६ कोटी वर्षे प्राचीन शिळांपासून बनविणार अयोध्येतील श्रीरामाची मूर्ती

अयोध्येतील राम मंदिराला दंडकारण्यातील दरवाजे, ४५ नक्षीदार दरवाजे-खिडक्या बनविणार

अयोध्येतील राम मंदिरांचे दरवाजे व खिडक्या बनणार गडचिरोलीतील लाकडांपासून

"भगवान राम सीतेसोबत बसून दारू प्यायचे अन्..." कन्नड लेखकाचे श्रीरामाबद्दल पुन्हा वादग्रस्त वक्तव्य

ब्रिजभूषण सिंह राजीनामा देणार की अध्यक्षपदी कायम राहणार?; आज आयोध्येत होणार निर्णय

Terror Alert On Republic Day: 'जैश-ए-मोहम्मद'ने आखला राम मंदिरावर हल्ल्याचा कट; गुप्तचर यंत्रणांची माहिती, पोलीस अलर्टवर

अयोध्येतील राम मंदिर पुढील वर्षभरामध्ये पूर्ण होणार, राम मंदिराचे कोषाध्यक्षांनी व्यक्त केला विश्वास