Ram Mandir Latest News | Ram Mandir Inaugration Live Updates in Marathi | Ayodhya Ramlalla Pran Pratishtha | राम मंदिर अयोध्या | राम मंदिर अयोध्या प्राणप्रतिष्ठा

Ayodhya Ram Mandir Pran Pratishtha: अयोध्येत श्रीराम मंदिराचे लोकार्पण होऊन वर्षभरापेक्षा अधिक काळ लोटला आहे. परंतु, पहिल्या दिवसांपासून राम मंदिरात जाऊन रामललाचे दर्शन घेण्याची भाविकांची आस आजही कायम असल्याचे पाहायला मिळत आहे. दररोज सुमारे लाखो भाविक राम मंदिरात येऊन दर्शन घेतात. अत्यंत अल्प काळात देशातील टॉप १० मंदिरात राम मंदिराचा समावेश झाला आहे. केवळ भाविकांच्या संख्येच्या दृष्टीने नाही, तर दान, देणग्यांच्या बाबतीतही राम मंदिराच नवे विक्रम प्रस्थापित केले आहेत. यातच राम मंदिराच्या पहिल्या मजल्यावरील राम दरबाराचे काम पूर्ण झाले असून, यासह राम मंदिर परिसरातील ७ मंदिरांमध्ये विविध देवतांच्या प्राणप्रतिष्ठा विधीच्या अनुष्ठानाला सुरुवात झाली आहे. ०३ जून ते ०५ जून या दरम्यान या सर्व मंदिरांमध्ये प्राणप्रतिष्ठा विधी करण्यात येणार आहे. या कालावधीत सलग १२ तास विधी केले जाणार आहे. तब्बल १०१ पुजारी १९७५ मंत्रांचे पठण करत हवन करणार आहे. अग्नि देवतेला आहुती दिली जाणार आहे. नवीन भव्य श्री रामजन्मभूमी मंदिराच्या नव्याने बांधलेल्या आठ मंदिरांची प्राणप्रतिष्ठा एकाच वेळी धार्मिक विधींसह केली जात आहे. राम मंदिर परिसराच्या ईशान्येला शिवलिंग, आग्नेय दिशेला श्री गणेश, दक्षिणेच्या मध्यभागी महाबली हनुमान, नैऋत्य दिशेला दृश्यमान देव सूर्य, वायव्येला माँ भगवती आणि उत्तरेच्या मध्यभागी अन्नपूर्णा मातेच्या मूर्ती असतील. मुख्य मंदिराच्या पहिल्या मजल्यावर श्री राम दरबाराची प्राणप्रतिष्ठा केली जाईल आणि नैऋत्य दिशेला शेषावतार मूर्तीचा प्राणप्रतिष्ठा विधी केला जाणार आहे, याबाबत श्रीराम जन्मभूमी तीर्थक्षेत्र न्यासाने माहिती दिली आहे. यापूर्वी भव्य कलश यात्रेचे आयोजन करण्यात आले होते. भाविकांना दर्शनासाठी या मंदिरांमध्ये कधी जाता येईल?ज्येष्ठ शुक्ल अष्टमी म्हणजेच ३ जूनपासून सुरू झालेला प्राणप्रतिष्ठेचा विधी दशमीला म्हणजेच ५ जून रोजी पूजा, नैवेद्य आणि आरतीने पूर्ण होईल. तिन्ही दिवशी पूजा विधी सुरू राहतील. भाविकांसाठी ही मंदिरे कधी उघडायची याचा अंतिम निर्णय अद्याप झालेला नाही. पहिल्या मजल्यावर असलेल्या श्री राम दरबारात मर्यादित संख्येने लोकांनाच प्रवेश दिला जाईल. कदाचित प्रति तास फक्त ५० भाविकांसाठी परवानगी दिली जाऊ शकते, असा कयास आहे. सध्या ट्रस्टमध्ये याबाबतच्या योजनेवर सविस्तर चर्चा सुरू आहे.दरम्यान, राम मंदिरात धार्मिक विधींचा भाग म्हणून राम रक्षा स्तोत्र, हनुमान चालीसा यांचे पठण केले जात आहे. प्राणप्रतिष्ठेचा मुख्य समारंभ ५ जून रोजी होणार आहे. या दिवशी श्री राम, हनुमान, सीता, लक्ष्मण यांच्या राम दरबारातील मूर्तींसह इतर ६ मंदिरांमध्ये देवतांची प्राणप्रतिष्ठा जाणार आहे. पहिल्या प्राण प्रतिष्ठानाच्या वेळी, भगवान श्रीरामांच्या बालस्वरूपाची स्थापना झाली. ५ जून २०२५ रोजी दुसऱ्या प्राणप्रतिष्ठानाच्या वेळी भगवान राम राजा म्हणून स्थापित होतील. राम मंदिराच्या पहिल्या मजल्यावर भगवान श्री रामांचा दरबार असेल. या दरबारात, भगवान श्रीरामांसोबत, सीतामाई, लक्ष्मण, भरत, शत्रुघ्न आणि हनुमान विराजमान असतील.

रामललांसाठी आणखी एक अस्सल सागवानी लाकडाचे खास भव्य मंदिर बनणार; अयोध्येत कुठे बांधले जाणार?

मुंबईतील बड्या उद्योजकाचे गुप्त ‘महादान’; अयोध्येतील राम मंदिराला तब्बल १७५ किलो सोने अर्पण

अयोध्येतील श्री राम मंदिरानंतर श्री क्षेत्र भंडारा डोंगरावरील तुकोबांचे मंदिर आकर्षण ठरणार - अजित पवार

आता केवळ रामलला नाही, तर श्रीराम दरबाराचेही करा दर्शन; १ दिवसात किती भाविकांना पाहता येणार?

आठ वर्षांनंतर अयोध्येतील जमिनीची किंमत २००% वाढली; जमिनीचे व्यवहार वाढल्याने सर्कल रेटमध्ये मोठी वाढ

एलॉन मस्क यांचे वडीलही भारताच्या प्रेमात! अयोध्येतील राम मंदिरात येत रामललाचे घेतले दर्शन

अयोध्येतील श्रीराम मंदिराच्या उभारणीत ४५ किलो शुद्ध सोन्याचा वापर; किंमत सुमारे ५० कोटी

अयोध्येतील राम दरबारसह आठ मंदिरांत देवी-देवतांची प्राणप्रतिष्ठा; विविध देवतांचे पूजन

अयोध्येतील राम मंदिरामधील राम दरबाराचे फोटो समोर, अशी संपन्न झाली प्राणप्रतिष्ठापना

जय श्रीराम! इलॉन मस्क यांचे वडील इरॉल मस्क यांनी अयोध्येत घेतले रामललाचे दर्शन

कुटुंबासह अयोध्येत पोहोचले इलॉन मस्क यांचे वडील, प्रभू श्रीराम यांच्या नावानं दुमदुमलं विमानतळ

अयोध्या राम मंदिर: ८ देवळांमध्ये प्राणप्रतिष्ठा, १२ तास सलग विधी; ५ जूनला राम दरबार भरणार!