Agro Products: Discover Top Agro Food Products & Suppliers List

पुणे : यंदा कमी पावसामुळे उसाचे उत्पादन कमी झाले आहे. तर राज्यातील चार साखर कारखान्यांनी आपलं गाळप थांबवलं आहे. आत्तापर्यंत ७५१ लाख टन उसाचे उत्पादन झाले आहे तर त्यातून ७३३ लाख क्विंटल साखरेचे उत्पादन झाले आहे. अजून एक ते दीड महिना उसाचा हंगाम सुरू राहण्याची शक्यता आहे. तर अनेक ठिकाणच्या कारखान्यांना उसाच्या अनुपलब्धतेमुळे एका महिन्याच्या आत गाळप थांबवावे लागणार आहे. सरकारने राज्यातील ४० तालुक्यांत दुष्काळ जाहीर केला आहे. तर त्याबरोबरच अनेक तालुक्यांत दुष्काळसदृश्य परिस्थिती आहे. सद्यस्थितीत राज्यातील अनेक धरणांची पाणीपातळी २० टक्क्यांहून कमी आहे. येणाऱ्या पूर्ण उन्हाळ्यात पाणीटंचाईचे भीषण संकट महाराष्ट्रावर असणार आहे. तर पावसाळ्यात पा ऊस कमी पडल्यामुळे उसाचे उत्पादन कमी होऊन गाळपही कमी झाले होते. मागच्या वर्षीच्या गाळप हंगामात या वेळेस ८२८.२८ लाख मेट्रिक टन उसाचे गाळप आणि ८११ लाख क्विंटल साखरेचे उत्पादन झाले होते. त्यातुलनेने यंदा ७७ लाख टन उसाचे गाळप आणि ७८ लाख क्विंटल साखरेचे उत्पादन कमी झाले आहे. तरीही नोव्हेंबर अखेरच्या अतिवृष्टीमुळे हे उत्पादन वाढले आहे, अन्यथा अजूनही कमी उसाचे गाळप झाले असते असं मत तज्ज्ञांनी व्यक्त केलंय.राज्यात किती होणार साखरेचे उत्पादन?राज्यात ८ फेब्रुवारीअखेर ७५१ लाख मेट्रिक टन उसाचे गाळप झाले असून ७३३ लाख क्विंटल साखरेचे उत्पादन झाले आहे. तर येणाऱ्या काळात अजून दोन लाख मेट्रिक टन उसाचे गाळप होण्याची शक्यता आहे. त्यामुळे साखरेचे उत्पादन हे ९२५ लाख क्विंटल ते ९५० लाख क्विंटलच्या आसपास असण्याची शक्यता वर्तवण्यात येत आहे. तर दिवाळीनंतर पडलेल्या अवकाळी पावसामुळे दुष्काळी भागातील आणि पाणी कमी पडलेल्या उसाला फायदा झाला असून त्यामुळे उसाच्या उत्पादनातही काही प्रमाणात वाढ झाल्याचं चित्र आहे. ८ फेब्रुवारीपर्यंतचे उसाचे गाळपएकूण उसाचे गाळप - ७५१.७६ लाख मेट्रिक टनएकूण साखरेचे उत्पादन - ७३३.११ लाख क्विंटलगाळप बंद झालेले कारखाने - ४३१ जानेवारी अखेरपर्यंतची राज्यभरातील आकडेवारीउसाचे गाळप - ५७०.११ लाख मेट्रिक टनटोटल ग्रॉस एफआरपी देय (वाहतूक आणि तोडणी खर्चासहित) - १७ हजार ६३३ कोटी रूपयेटोटल ग्रॉस एफआरपी देय (वाहतूक आणि तोडणी खर्च सोडून) - १३ हजार २५९ कोटी रूपयेटोटल एफआरपी वाटप (तोडणी, वाहतूक खर्चासहित) - १७ हजार १५५ कोटी रूपयेटोटल एफआरपी वाटप (तोडणी, वाहतूक खर्च सोडून) - १२ हजार ७८१ कोटी रूपयेवाटप झालेली एफआरपी (तोडणी, वाहतूक खर्चासहित) - ९७.२९ टक्केवाटप झालेली एफआरपी (तोडणी, वाहतूक खर्च सोडून) - ९६.३९ टक्केएकूण एफआरपी थकबाकी - ४७८ कोटी रूपयेActual FRP वाटप (तोडणी, वाहतूक खर्चासहित) - १६ हजार १२६ कोटी रूपयेActual FRP थकबाकी - १ हजार ५०७ कोटी रूपयेActual FRP वाटप - ९१.४५ टक्के१०० टक्के एफआरपीची रक्कम देणारे कारखाने - ९४ टक्केएवढ्या कारखान्यांकडे एफआरपीची देणे बाकी - ११२RRC (महसूल वसुली प्रमाणपत्र) जारी झालेले कारखाने - १

ऐन उन्हाळ्यात ट्रॅक्टरलाही होऊ शकतो का उष्माघात? अशी घ्या काळजी

आता शेतीकामात महिलांचे कष्ट होतील कमी; वापरा ही अवजारे

जमिनीचे सपाटीकरण करण्यास आलं आहे हे नवीन तंत्रज्ञान

शेतकरी बांधवांनो, कार्बन क्रेडिट योजनेचा तुम्हालाही मिळू शकतो लाभ

गोव्याच्या ‘जायफळ टॅफी’ आविष्काराला मिळाले पेटंट, शेतकऱ्यांना काय फायदा?

Subsoiler : सबसॉयलरने फोडा मातीचा कठीण थर! फायदे ऐकून थक्क व्हाल

सौर उर्जेतुन वीज निर्मिती सोबत पिकांची लागवड शक्‍य.. आलं हे नवीन तंत्रज्ञान

आता राज्यातील शेतकऱ्यांची शेती उत्पादनांची होणार ऑनलाईन विक्री; आलंय हे नवीन मोबाईल ॲप

वनामकृवि विकसित जैविक निविष्‍ठा उपलब्‍ध होणार आता मराठवाड्यातील सहा जिल्ह्यात

देशांत फलोत्पादन वाढलंय, पण सप्लाय चेन महत्वाची, सह्याद्री फार्म्स येथील चर्चासत्रातील सूर

आता साखर कारखाने थेट विकू शकतील पोटॅश; कारखान्यांच्या उत्पन्न वाढीमुळे सभासद शेतकऱ्यांनाही लाभ?

Sugarcane Factory : गाळप घटले पण वर्षाअखेर किती होणार साखरेचे उत्पादन? कारखान्यांकडे किती राहिली थकबाकी?