Maratha Reservation : विधिमंडळात मराठा आरक्षण विधेयक एकमताने मंजूर, सभागृहात घुमला शिव छत्रपतींचा जयघोष
By ऑनलाइन लोकमत | Published: November 29, 2018 01:46 PM2018-11-29T13:46:13+5:302018-11-29T16:53:55+5:30
अजित पवार यांनीही या विधेयकास एकमताने मंजूरी देत पाठिंबा देत असल्याचं म्हटले आहे.
Maratha Reservation : विधिमंडळात मराठा आरक्षण विधेयक एकमताने मंजूर, सभागृहात घुमला शिव छत्रपतींचा जयघोष
Next मुंबई - बहुचर्चित मराठाआरक्षण विधेयक विधिमंडळाच्या दोन्ही सभागृहात सादर करण्यात आले आहे. यावेळी दोन्ही सभागृहात एकमताने मराठाआरक्षण विधेयकाला मंजुरी देण्यात आली. त्यानंतर, सभागृहात सर्वपक्षीय आमदारांचा एकच जल्लोष पाहायला मिळाला. त्यामुळे गेल्या कित्येक वर्षांपासून सुरू असलेली मराठा समाजाच्या आरक्षणाची मागणी आज पूर्णत्वास गेली आहे.
मुख्यमंत्री देवेंद्र फडणवीस यांनी हे विधेयक विधानसभा पटलावर मांडले. मराठा समाज आरक्षण विधेयक 2018 या विधेयकास विरोधी पक्षनेते राधाकृष्ण विखे पाटील यांनी काँग्रेसकडून एकमताने मंजूरी दिली आहे. त्यानंतर, अजित पवार यांनीही या विधेयकास एकमताने मंजूरी देत पाठिंबा देत असल्याचं म्हटले आहे. या विधेयकात मराठा समाजाला 16 टक्के आरक्षण देण्यात आलं आहे. तर, मराठा समाजाचा SEBC प्रवर्गात समावेश करण्यात आला आहे.
मुख्यमंत्री देवेंद्र फडणवीस यांनी मराठा आरक्षण विधेयक 2018 सभागृहात मांडल्यानंतर भाजप नेत्यांनी छत्रपती शिवाजी महाराज की जय अशा घोषणा घेतल्या. तर मुख्यमंत्री देवेंद फडणवीस यांनी सभागृहातील एक आमदार असलेल्या पक्षापासून ते अपक्ष आमदारांपर्यंत सर्वांचेच आभार मानले. तसेच या विधेयकास एकमताने मंजुरी मिळाल्यानंतर हे विधेयक संमत करण्याची विनंती विधानसभा अध्यक्ष हरिभाऊ बागडे यांच्याकडे केली. विधानसभा अध्यक्ष हरिभाऊ बागडे यांनीही हे विधेयक मंजूर झाल्याची घोषणा केली. त्यानंतर पुन्हा सभागृहाबाहेर सर्वांनीच जल्लोष सुरु केला.
#Big#BreakingNews :
— CMO Maharashtra (@CMOMaharashtra) November 29, 2018
CM @Dev_Fadnavis tables #MarathaReservation bill and Maharashtra Legislative Assembly passes it unanimously without discussion amidst chants of छत्रपती शिवाजी महाराज की जय !#WinterSession
#महत्त्वाचीबातमी#BreakingNews
— MAHARASHTRA DGIPR (@MahaDGIPR) November 29, 2018
मुख्यमंत्री @Dev_Fadnavis यांनी महाराष्ट्र विधानसभेत मांडलेले #मराठा_आरक्षण विधेयक कोणत्याही चर्चेविना एकमताने मंजूर...#हिवाळी_अधिवेशनpic.twitter.com/M9NRfkQdOa
महाराष्ट्र विधानसभेत #मराठा_आरक्षण विधेयक मांडण्यापूर्वी मुख्यमंत्री @Dev_Fadnavis आणि मंत्रिमंडळातील सदस्यांनी विधानभवनातील #छत्रपती शिवाजी महाराजांच्या पुतळ्याला पुष्पहार अर्पण करुन घेतले आशिर्वाद#हिवाळीअधिवेशनpic.twitter.com/htTY0Lgmnk
— MAHARASHTRA DGIPR (@MahaDGIPR) November 29, 2018