घोळाच्या भाजीचे अनेक औषधी गुणधर्म आहेत.
पावसाळा सुरु झाला की अनेक रानभाज्या बाजारात दिसू लागतात. यातलीच एक भाजी म्हणजे घोळ.
घोळाची भाजी प्रत्येकानेच बाजारात पाहिली असेल मात्र, ती कशी करायची, तिचे फायदे काय हे फारसं कोणाला माहित नाही.
घोळाची भाजी बुळबुळीत जरी असली तरीदेखील तिचे अनेक औषधी गुणधर्म आहेत.
घोळाची भाजी थंड प्रकृतीची असून तिच्यामुळे अन्नपचन सुरळीत होण्यास मदत मिळते.
घोळाच्या भाजीमुळे यकृताचे कार्य सुधारते.
मुळव्याध, रक्ती मुळव्याध, सूज येणे, अंगाची आग होणे यांसारख्या समस्येवर घोळाची भाजी नक्की खावी.