जुलै महिन्यात आर्थिक बाबींसंदर्भात अनेक बदल होणार आहेत.
जुलै महिन्यात आर्थिक बाबींसंदर्भात अनेक बदल होणार आहेत. यात ट्रेनच्या तिकिटाच्या दरापासून ते एटीएममधून पैसे काढण्यापर्यंतच्या बदलांचा समावेश आहे.
१ जुलैपासून सामान्य माणसांसाठी ट्रेनचं तिकीट महाग होणार आहे. १ जुलैपासून नॉन-एसी डब्यांचं भाडं प्रति किलोमीटर १ पैसे आणि एसी डब्यांचं भाडं प्रति किलोमीटर २ पैसे वाढवलं जाऊ शकतं.
तिकीट एजंट्सना आळा घालण्यासाठी रेल्वेने तिकीट बुकिंगच्या नियमांमध्येही बदल केले आहेत. १ जुलैपासून तत्काळ ट्रेन तिकीट बुकिंगसाठी वापरकर्त्यांना ओटीपीही द्यावा लागेल.
एजंटसाठी तिकीट बुकिंग नियमांत बदल ट्रेनच्या तत्काळ तिकीट बुकिंगदरम्यान, एजंटना १ जुलैपासून पहिल्या अर्ध्या तासात बुकिंगला परवानगी दिली जाणार नाही.
देशातील तेल कंपन्या दर महिन्याच्या पहिल्या तारखेला स्वयंपाकाच्या गॅस आणि जेट इंधनाच्या किमतींमध्ये सुधारणा करतात. त्यामुळे, १ जुलै रोजी सिलिंडरच्या किमतीत काय बदल होतात, हे पाहणं महत्त्वाचं ठरणार आहे.
१ जुलैपासून पॅन कार्डच्या नियमांमध्येही बदल येणार आहे. पॅन कार्डसाठी आधार कार्ड अनिवार्य असेल. ज्यांच्याकडे हे दोन्ही कार्ड आधीच आहेत, त्यांना ते लिंक करणं अनिवार्य असेल.
ICICI च्या ग्राहकांसाठी १ जुलैपासून एटीएममधून रोख काढणे महाग होणार आहे. मेट्रो शहरांत ३ विनामूल्य व्यवहार करता येतील. यानंतर आर्थिक व्यवहारांवर २३ रुपये, गैर-आर्थिक व्यवहारांवर ८.५ रुपये शुल्क लागेल.