वॉशिंग मशीनमध्ये 'Kg' चा अर्थ काय? कपडे ओले की सुके...
ही किलोची निवड चुकली की पुढचे सारे चुकत जाते...
मुळात आपण वॉशिंग मशीन का घेतो? हाताने कपडे धुण्याचा त्रास वाचविण्याबरोबरच कपडे चांगले धुवून यावेत म्हणून.
परंतू वॉशिंग मशीन घेताना आपण काही चुका करतो. त्यात महत्वाची चूक म्हणजे तिची क्षमता.
वॉशिंग मशीनची क्षमता किलोमध्ये मोजली जाते, तसेच ड्रम फिरण्याचा वेग म्हणजेच आरपीएम आणि त्यातील फंक्शन.
परदेशातील कपडे वापरण्याची पद्धत, धुण्याची पद्धत आणि ते मळण्याची पद्धत ही वेगळी आहे. कारण तिथे आपल्यासारखा उन्हाळा, पावसाळा नसतो.
यामुळे भारतात काही परदेशी कंपन्या असल्या तरी त्यांनी त्यांची कार्यपद्धती म्हणजेच मशीनची फंक्शन आणि इतर गोष्टी या भारतीय वातावरणात सूट होणाऱ्या बनविलेल्या असतात.
आपण मशीन घेताना पहिली चूक करतो ती म्हणजे ती मशीन किती केजी म्हणजे किलो ग्रॅम कपडे धुवू शकते. बाजारात ६, ७,८, १० किलो अशा प्रकारच्या मशीन उपलब्ध असतात.
हे किलो म्हणजे तुम्ही एकावेळी धुवत असलेल्या सुक्या कपड्यांचे वजन असते, ना की ओल्या कपड्यांचे.
समजा तुमच्या घरात दोन-तीन माणसे आहेत तर तुमचे दिवसाचे कपडे कमी असतात. यामुळे तुम्ही ५-६ किलोच्या क्षमतेची मशीन घेऊ शकता.
जर तुमच्या घरात जास्त माणसे असतील तर तुम्हाला ७-८ किलोची मशीन लागणार आहे.
तुम्ही कमी क्षमतेची मशीन घेतली आणि जास्त कपडे धुतले तर मशीन कालांतराने बिघडू शकते. कारण मोटरवर लोड येतो.
जास्त वजनाचे कपडे टाकल्यास मशीनच्या सस्पेंशन म्हणजेच खुरांवर भार पडतो आणि मशीन हळूहळू डुलायला लागते. आतील पार्टही खराब होऊ लागतात.
त्याचबरोबर क्षमतेपेक्षा जास्त कपडे घातले तर ते चांगले घुसळत नाहीत आणि नीट धुतले जात नाहीत. यामुळे मशीन घेताना या केजीवर लक्ष देणे महत्वाचे असते.
मशीनमध्ये जो तुम्ही साबन वापरता तो फ्रँट लोडसाठी किंवा टॉप लोडसाठी म्हणजे मशीनच्या झाकण उघडण्याच्या प्रकारासाठी बनविलेलाच वापरावा. सामान्य पावडर वापरू नये.