केसाला तेल लावताना जर चूक झाली तर परिणाम उलटा होतो. पाहा तेल लावताना काय करायला हवे.
केसाला तेल लावणे म्हणजे केसांना पोषण देणे. केसांना तेल लावताना काही गोष्टी लक्षात ठेवणे केसांच्या आरोग्यासाठी चांगले असते.
तेल जरा कोमट करायचे. कोमट तेलाने मुळांशी छान मालीश करायचे. त्यामुळे रक्ताभिसरण चांगले होते.
पण काही जणं गरम तेल लावतात. चटका लागल्यावर आराम मिळतो असे मानतात मुळात तसे नसून गरम तेल केसांना आणि त्वचेला इजा करते.
केसांना मसाज करताना नखांनी खरवडल्यावर तात्पुरते बरे वाटते, मात्र त्यामुळे त्वचा सोलवटली जाते. त्यामुळे असे खाजवणे टाळा.
त्याऐवजी बोटांच्या टोकांचा वापर करुन हलक्या हाताने मसाज करायचा. हळूवार आणि प्रेमाने ही क्रिया करायची.
रात्री झोपताना तेल लावणे फायद्याचे असते मात्र तेल डोक्यावर जास्त वेळ राहिले तर त्वचा तेलकट व्हायला लागते आणि पुरळही उठते.
तेल काढण्यासाठी साबण किंवा कोणताही जास्त स्ट्रँग शाम्पू वापरु नका. जरा सौम्य शाम्पू वापरा.