मुंबई - पश्चिम रेल्वेवरील वाहतूक अर्धा तास उशिराने सुरू आहे. तांत्रिक बिघाडामुळे गुरूवारी (21 डिसेंबर) सकाळपासून पश्चिम रेल्वे मार्गावरील वाहतूक विस्कळीत झाली आहे. अंधेरी व जोगेश्वरी या स्थानकांदरम्यान दुरूस्तीच्या कामासाठी बुधवारी (20 डिसेंबर) रात्री पश्चिम रेल्वे प्रशासनाकडून ब्लॉक जाहीर करण्यात आला होता.
मात्र, दुरुस्तीचं काम वेळेत न संपल्यामुळे याचा परिणाम वाहतूक सेवेवर झाला आहे. यामुळे ऐन सकाळी कार्यालय गाठण्याच्या घाईत असलेल्या चाकरमान्यांची मोठी गैरसोय होत आहे. सकाळी-सकाळीच रेल्वे मार्गावर झालेल्या या खोळंब्यामुळे प्रवाशांना मनस्ताप सहन करावा लागत आहे. या बिघाडामुळे पश्चिम रेल्वेच्या स्थानकांवर प्रवाशांची मोठी गर्दीदेखील झाली आहे.