पाऊस आला मोठा!

वसई : शनिवारी मध्यरात्रीपासून वसई-विरार परिसरात मुसळधार पाऊस झाला, त्यामुळे अनेक भागात पाणी साचले व जनजीवन विस्कळीत झाले. दिवसभरात वसई-विरारकरांना आज सूर्यदर्शनच झाले नाही. आकाशात ढगाळ वातावरण असल्यामुळे दुपारीच संध्याकाळ झाल्यासारखे वातावरण होते.रात्रभर पाऊस कोसळल्यामुळे सकाळी नालासोपारा, तुळींज, आचोळे रोड व अन्य परिसरात मोठ्या प्रमाणात पाणी साचले. त्यामुळे या मार्गावरील वाहतूक विस्कळीत झाली होती. पहाटेच्या सुमारास काही काळ हा पाऊस थांबला व त्यानंतर मात्र पुन्हा पावसाला सुरूवात झाली व तो सायंकाळपर्यंत कोसळला. शहरी भागासह ग्रामीण भागातही प्रचंड पाऊस झाल्यामुळे शेतकरीवर्गात आनंदाचे वातावरण निर्माण झाले आहे.गेल्या १५ दिवसांपासून पावसाने सलग हजेरी लावल्यामुळे शेतीच्या कामांना प्रचंड वेग आला आहे. पुरेसा पाऊस झाल्यामुळे आता थोडा खंड पडावा अशी अपेक्षा शेतकरीवर्गातून व्यक्त होत आहे. वसई-विरार उपप्रदेशाला पाणीपुरवठा करणाऱ्या धरणाच्या क्षेत्रातही चांगला पाऊस झाल्यामुळे पाण्याच्या पातळीत वाढ झाली आहे. त्यामुळे परिसराच्या पाणीपुरवठ्यात सुधारणा होण्याची शक्यता आहे. गेल्या ४ महिन्यापासून वसई-विरार उपप्रदेशात पाणी दोन दिवस आड दिले जाते. जून महिना पूर्णपणे कोरडा गेल्यामुळे पेल्हार व उसगांव धरणातील पाण्याची पातळी खूप खाली गेली होती.धामणी धरणातील पाण्याचा साठा बऱ्यापैकी असल्यामुळे सूर्या प्रकल्पातून अतिरिक्त पाणीपुरवठा होत होता.

आपत्कालीनचे पोलखोल

पर्यटन स्थळाच्या प्रतीक्षेत ‘दाभोसा’

प्रगती महाविद्यालयाने साजरा केला कारगिल विजय दिन

वीज वितरण कंपनीचा मनमानी कारभार

डहाणू तालुक्यातील रस्त्यावर खड्डेच खड्डे

२५ टक्के रस्त्यांसाठी १२ कोटी

निसर्गरम्य ठिकाणी वसलेले प्राचीन तुंगारेश्वर शिवमंदिर

राजकीय कलगीतुऱ्यातून पालघरचा विकास खुंटला

जांभुळपाडा, पालीत आरोग्य अधिकारीच नाही

रायगडमध्ये मुसळधार पाऊस

कळंब पुलावर खड्डेच खड्डे

पाऊस आला मोठा!