फेरीवाल्यांना प्रशासनाचे अभय

नवी मुंबई : शहरात अनधिकृत फेरीवाल्यांचा प्रश्न गंभीर झाला आहे. ही संख्या दोन हजारवरून एक लाखाच्या पुढे गेली आहे. संबंधितांना प्रशासनासह लोकप्रतिनिधींचे अभय मिळत असल्याचे धक्कादायक वास्तव नगरसेवकांनी स्थायी समितीमध्ये मांडले. अनधिकृत फेरीवाल्यांसह आठवडे बाजारांवर तत्काळ कारवाईची मागणीही त्यांनी केली आहे.नवी मुंबई सुनियोजित शहर असल्याचे बोलले जाते. परंतु शहरात फेरीवाल्यांचे नियोजन करण्यास पालिकेस अपयश आले आहे. पालिकेने यापूर्वी २ हजार १३८ फेरीवाल्यांना परवाने दिले होते. परंतु त्यामधील १०७६ जणांच्या परवान्यांचे नूतनीकरण करण्यात आलेले नाही. नूतनीकरण का केले जात नाही याविषयी नगरसेवक शिवराम पाटील यांनी स्थायी समितीमध्ये प्रश्न उपस्थित केला. स्थानिक नागरिकांना अधिकृतपणे दिलेल्या परवान्यांचे नूतनीकरण करण्याची मागणी त्यांनी केली. प्रशासनाच्या दिरंगाईविषयी नाराजी व्यक्त केली. नगरसेविका सिंधू नाईक यांनी वाशीमधील फेरीवाल्यांच्या समस्येकडे लक्ष वेधले. नाफेरीवाला क्षेत्रात फेरीवाले बसत आहेत. एका परवान्यावर चार जण व्यवसाय करीत आहेत. पूर्वी जवळपास ४० जण होते. आता ती संख्या २५०पेक्षा जास्त झाली आहे. मनोज हळदणकर यांनी फेरीवाला भूखंडांचा योग्य वापर होत नसल्याचे निदर्शनास आणून दिले. शहराच्या विद्रूपीकरणास प्रशासन जबाबदार असल्याची टीका केली. एम.के.मढवी यांनी अनधिकृत फेरीवाल्यांवर कडक कारवाई करण्याची मागणी केली.शिवसेना नगरसेवक विठ्ठल मोरे यांनीही फेरीवाल्यांवर कारवाईची मागणी केली. फेरीवाल्यांना काही लोकप्रतिनिधींचे अभय मिळत आहे. यामुळे त्यांच्यावर कारवाई होत नाही. प्रशासनास कारवाई करण्यास अडचण येत आहे. अभय मिळाल्यामुळेच ही समस्या वाढली असल्याचे निदर्शनास आणून दिले. वाशीतील नगरसेवक राजू शिंदे यांनीही फेरीवाल्यांवर कारवाई करण्याची मागणी केली. काही ठिकाणी पदपथ व महत्त्वाच्या ठिकाणी अतिक्रमण झाले आहे. अनधिकृत व्यवसाय करणाऱ्यांची दादागिरी सुरू असल्याचेही त्यांनी निदर्शनास आणून दिले. (प्रतिनिधी)

सॅटीसने घेतला मोकळा श्वास

मुरबाड तालुक्यात अपक्षांनी मारली बाजी

ठाणे-पालघरमधील आचारसंहिता अखेर संपली

सरकारकडून निधी खेचून आणू!

गतिरोधक देताहेत अपघाताला आमंत्रण

आज ६६ वा जंजिरा मुक्ती दिन

शेकापचे आस्वाद पाटील विजयी

'कॅम्पा कोला'ला सर्वोच्च न्यायालयाचा दिलासा

महापालिका घेणार बोगस लॅबचा शोध

पेट्रोल पंप लुटण्याचा प्रयत्न फसला

मच्छीमार नौका नोंदणीला ब्रेक

फेरीवाल्यांना प्रशासनाचे अभय