रिक्षाचालकांचा रास्तारोको

पनवेल : कामोठे शहरात सुरू झालेल्या एनएमएमटी बसेसविरोधात रिक्षाचालकांनी आज रास्तारोको केला. यावेळी तासाभरासाठी बससेवा बंद ठेवण्यात आली होती. धर्मराज्य पक्षाचे अध्यक्ष राजन राजे यांच्या नेतृत्वाखाली कामोठेमधील मानसरोवर रेल्वे स्थानकाकडे जाणारा रस्ता रिक्षाचालकांनी अडवला होता. सोमवारी कामोठे शहरात पुकारलेल्या रास्तारोकोमुळे प्रवाशांची मात्र प्रवासासाठी गैरसोय झाली.एनएमएमटी प्रशासनाने सुरू केलेली बससेवा प्रवाशांच्यादृष्टीने किफायतशीर ठरली आहे, त्यामुळे प्रवासी व प्रवासी संघटना एनएमएमटी प्रशासनाच्या मागे ठामपणे उभ्या राहिल्या आहेत. मात्र रिक्षाचालकांच्या धंद्यावर या बससेवेमुळे फरक पडल्याने त्यांनी या सेवेला विरोध दर्शवित राजन राजे यांचे नेतृत्व स्वीकारत आज याठिकाणी रास्तारोको केला. २ लाख प्रवाशांची मने दुखवत राजे यांनी प्रशासनाला दिलेल्या ७२ तासांच्या इशाऱ्यानंतर आज शहरातील मुख्य रस्त्यात रास्तारोको केला.पुकारलेल्या या आंदोलनात रिक्षाचालकांचे कुटुंब सहभागी होऊन त्यांनी याठिकाणी ठिय्या आंदोलन केले. आंदोलनाला हिंसक वळण येऊ नये म्हणून पोलिसांचा चोख बंदोबस्त याठिकाणी ठेवला होता. पोलीस उपायुक्त संजय ऐनपुरे, सहाय्यक पोलीस आयुक्त शेषराव सूर्यवंशी, कामोठे पोलीस ठाण्याचे वरिष्ठ पोलीस निरीक्षक श्रीराम मुल्लेमवार हे उपस्थित होते.राजे यांनी प्रकल्पग्रस्त रिक्षाचालकांच्या हितासाठी सतत लढत राहू, असा विश्वास उपस्थितांना देत यापुढे आंदोलनाची तयारी दाखविली. पोलिसांच्या हस्तक्षेपानंतर आंदोलन स्थगित करण्यात आले. आंदोलनादरम्यान बससेवा, रिक्षा बंद ठेवण्यात आल्याने अनेक प्रवाशांना पायीच मार्गक्रमण करावे लागले. शहरामध्ये काही दुकाने देखील या आंदोलनादरम्यान बंद करण्यात आली होती. (प्रतिनिधी)च्रिक्षाचालक संघटनेने कोणतीही पूर्वसूचना न देता केलेल्या आंदोलनाने प्रवाशांना वेठीस धरण्यात आले होते. सकाळी १० वाजल्यापासून आंदोलन सुरू झाले. मानसरोवर रेल्वे स्टेशन ते हायवेपर्यंत परिवहन सेवा बंद करण्यात आली होती. आंदोलनाच्या ठिकाणी परिवहन बससह खाजगी वाहनांना प्रवेश निषिद्ध केला होता.च्उपायुक्त संजय ऐनपुरे यांनी रिक्षाचालक, एनएमएमटी प्रशासन व सिडको यांच्यामध्ये येत्या आठ दिवसांमध्ये चर्चा घडवून आणली जाईल, असे आश्वासन दिल्यानंतर रिक्षाचालकांनी आंदोलनाला स्थगिती दिली. मात्र या आंदोलनामुळे मानसरोवर रेल्वे स्थानक किंवा हायवेवर जाण्यासाठी प्रवाशांना भरदुपारी पायपीट करावी लागली.च्या आंदोलनामध्ये रिक्षाचालकांच्या कुटुंबातील महिलांनी मोठ्या संख्येने सहभाग घेतला होता. सकाळी १० वाजता या मार्गावरून जात असलेल्या एनएमएमटी बसच्या समोर अचानक महिलांनी ठिय्या मांडला होता. त्यामुळे काही वेळ वातावरण तापले होते. मात्र प्रवाशांना बसमधून उतरून पायीच जावे लागले.च्रिक्षाचालकांच्या धंद्यावर या बससेवेमुळे फरक पडल्याने त्यांनी या सेवेला विरोध दर्शवित राजन राजे यांचे नेतृत्व स्वीकारत आज याठिकाणी रास्तारोको केला. २ लाख प्रवाशांची मने दुखवत राजे यांनी प्रशासनाला दिलेल्या ७२ तासांच्या इशाऱ्यानंतर आज शहरातील मुख्य रस्त्यात रास्तारोको केला.

बीडीडीच्या पुनर्विकासासाठी म्हाडा नको!

मुंबईचा विकास आराखडा तयार

‘वन प्लस वनचा पुरावा असल्यास एसआरएत घ्या!’

कॉँग्रेस-राष्ट्रवादीचे ५ नगरसेवक शिवबंधनात

कामोठेत रिक्षाचालकांचा ठिय्या

मोरबे धरण मिळवून देणारा नेता हरपला

पंचायत समित्यांवर भगव्याचे वर्चस्व

प्रभागातील मनपाच्या शाळेत मटक्याचा अड्डा

परिवहनच्या कर्मचाऱ्यांची थकबाकी ८० कोटी

४०० विद्यार्थी राष्ट्रपती-पंतप्रधान भेटीला

‘क्रिकेट वर्ल्डकप’चा फिवर

रिक्षाचालकांचा रास्तारोको