पावसाळापूर्व नालेसफाईचा धडाका

लोकमत न्यूज नेटवर्कमुंबई : महापालिकेद्वारे पावसाळ्यापूर्वी करण्यात येणारी नालेसफाईची कामे वेगात सुरू असून, मे २०१७ च्या तिसऱ्या आठवड्याच्या अखेरीस मोठ्या नाल्यांच्या सफाईची कामे ७८.४७ टक्के एवढी पूर्ण झाली आहेत. गेल्या वर्षी हेच प्रमाण ५९.२८ टक्के एवढे होते. लहान नाल्यांचीही कामे विभाग स्तरावर ठरलेल्या वेळापत्रकानुसार व्यवस्थितपणे सुरू आहेत. ही सर्व कामे पावसाळ्यापूर्वी ठरल्यानुसार पूर्ण होतील, असा दावा महापालिकेने केला आहे.महापालिकेच्या अभियांत्रिकी सेवा व प्रकल्पांचे प्रभारी संचालक प्रकाश कदम यांनी दिलेल्या माहितीनुसार, मोठ्या नाल्यांच्या सफाईद्वारे साधारणपणे १ लाख ७७ हजार ७६६ मेट्रिक टन एवढा गाळ येत्या पावसाळ्यापूर्वी हटविणे अपेक्षित आहे. यापैकी २० मेपर्यंत सुमारे १ लाख ३९ हजार ४८५ टन गाळ काढून व वाहून नेण्यात आला आहे.याचाच अर्थ, २० मे २०१७ पर्यंत नालेसफाईची कामे ७८.४७ टक्के एवढी झाली आहेत. गेल्या वर्षी पावसाळ्यापूर्वी एकूण १ लाख ७७ हजार ८१८ मेट्रिक टन एवढा गाळ काढून व वाहून न्यावयाचा होता. यापैकी गेल्या वर्षी मे च्या तिसऱ्या आठवड्याच्या अखेरपर्यंत मोठ्या नाल्यांमधून सुमारे १ लाख ५ हजार ४०३ मेट्रिक टन एवढा गाळ काढून व वाहून नेण्यात आला होता, म्हणजेच गेल्या वर्षी हे प्रमाण ५९.२८ टक्के एवढे होते. दरम्यान, लहान नाल्यांच्या व रस्त्यालगतच्या वाहिन्यांच्या सफाईची कामे विभाग स्तरावर केली जात असून, ती स्वयंसेवी संस्थांच्या मदतीने केली जात आहेत.मे महिन्याच्या तिसऱ्या आठवड्याच्या अखेरपर्यंत शहर विभागातील मोठ्या नाल्यांमधून ९ हजार ९०१ मेट्रिक टन (५८.१९ टक्के) एवढा गाळ काढून व वाहून नेण्यात आला आहे. गेल्या वर्षी हेच प्रमाण ४२.१७ टक्के एवढे होते.या वर्षी पश्चिम उपनगरांमध्ये ७८ हजार १७८ मेट्रिक टन (७८.७३ टक्के), तर पूर्व उपनगरांमध्ये ५१ हजार ४०६ मेट्रिक टन (८३.६५ टक्के) एवढा गाळ काढून व वाहून नेण्यात आला आहे.गेल्या वर्षी हेच प्रमाण पश्चिम उपनगरांमध्ये ६७.०६ टक्के, तर पूर्व उपगनरांमध्ये ५३.०३ टक्के एवढे होते.मिठी नदीमधील गाळ काढून व वाहून नेण्याचे काम वेगाने सुरू असून, २० मे पर्यंत ६६.१० टक्के काम पूर्ण झाले आहे.एच/पूर्व विभागातील नालेसफाई कामांची महापौर विश्वनाथ महाडेश्वर व स्थायी समिती अध्यक्ष रमेश कोरगावकर यांनी यापूर्वीच पाहणी करत, पावसाळ्यापूर्वी नालेसफाईची कामे तातडीने पूर्ण करण्याची सूचना अधिकारी वर्गाला केली होती.

‘आॅनलाइन’ वैद्यकीय सेवेला पसंती

सावरकरांचे देशाच्या सुरक्षेचे विचार हेच राष्ट्रीय सुरक्षेसाठी आवश्यक - तरुण विजय

सहा वर्षांच्या मुलीचे अपहरण करणारे अटकेत

वेसावकरांचा गौरव, पंडित नेहरू ते नरेंद्र मोदी

प्रश्न मार्गी लागेपर्यंत मुंबईतच ठाण

...तर रक्तपेढ्यांवर होणार कारवाई

सॅनिटरी नॅपकिन्स ‘जीएसटी’मुक्त करा, राष्ट्रवादीची निदर्शने

राज्याच्या दोन योजना उत्तर प्रदेश राबविणार

आता इमान जेवते स्वतःच्या हाताने

वृक्षतोडीला नागरिकांचा तीव्र विरोध

रात्रशाळांचा ‘श्रीगणेशा’ आंदोलनाने होणार

पावसाळापूर्व नालेसफाईचा धडाका