आंतरजिल्हा प्रवासासाठी ई-पास बंधनकारक; संकेतस्थळावरुन डाऊनलाेड करणे शक्य

लोकमत न्यूज नेटवर्कमुंबई : राज्यात कोरोनाच्या वाढत्या प्रादुर्भावाच्या पार्श्वभूमीवर राज्य सरकारने कठोर निर्बंधांची घोषणा केली आहे. अशात आता जिल्हांतर्गत, आंतरजिल्हा आणि आंतरराज्य प्रवास करण्यासाठी ई-पासची सक्ती करण्यात आली आहे. पोलीस विभागाने यासाठी संकेतस्थळाची लिंक दिली असून, त्या लिंकवरून संबंधितांनी पाससाठी अर्ज करण्याचे आवाहन महाराष्ट्र पोलीस विभागाने केले आहे.अत्यावश्यक सेवा, वैद्यकीय उपचार किंवा अशाप्रकारच्या टाळता न येण्यासारख्या कारणांसाठीच फक्त प्रवासाची मुभा आहे. अशा प्रवासासाठी ई-पास बंधनकारक आहे. यापूर्वीही ई-पास बंधनकारक करण्यात आला होता.* कसा काढायचा ई-पास?- ई-पास काढण्यासाठी तुम्ही https://covid19.mhpolice.in/ या संकेतस्थळावर जा.- संकेतस्थळावर apply for pass here या पर्यायावर क्लिक केल्यानंतर, त्यात विचारलेल्या प्रश्नांची माहिती द्या.- त्यामध्ये तुम्हाला कोणत्या जिल्ह्यातून किंवा राज्यातून कुठे प्रवास करायचा आहे ते निवडा.- प्रवास कोणत्या कारणासाठी करत आहात, याची माहिती द्या.- कागदपत्रांची माहिती एकत्रित करुन आवश्यक कागदपत्रे अपलोड करा.- अर्ज केल्यानंतर एक टोकन आयडी मिळेल. तुमचा अर्ज मंजूर झाला की नाही? हे पाहण्यासाठी तसेच ई-पास काढण्यासाठी टोकन आयडी गरजेचा आहे. टोकन आयडी टाकून साईटवरून ई -पास डाऊनलोड करता येईल.- ई-पासवर तुमची वैयक्तिक माहिती, खासगी वाहनाने प्रवास करणार असल्यास त्याचा क्रमांक, पासची वैधता, क्यूआर कोड इत्यादी माहिती देणे गरजेचे आहे.* जवळच्या पोलीस ठाण्यातूनही मिळणार पासजवळच्या पोलीस ठाण्यात जाऊनही ई-पास घेता येईल, असेही महाराष्ट्र पोलिसांनी स्पष्ट केले.* आपत्कालिन परिस्थितीतच वापर करण्याचे आवाहनमुंबई बाहेर जाण्यासाठी शासनाच्या नव्या नियमावलीनुसार ई-पास बंधनकारक असणार आहे. पासचा वापर केवळ आपत्कालिन परिस्थितीत केला जावा, असे आवाहन मुंबई पोलीस प्रवक्ते चैतन्या एस. यांनी केले आहे. तसेच मुंबईत अत्यावश्यक सेवेसाठी लागू करण्यात आलेले कलर कोडिंग सिस्टम सुरुच राहणार असल्याचेही त्यांनी सांगितले.------------------------

आरोग्याचे दशावतार

विधि शाखेच्या प्रवेशाच्या अतिरिक्त फेरीला मान्यता

कारवाईच्या धास्तीने मुंबईकर घरात

सावधान, हॅकर्स तुमच्या पैशांवर डल्ला मारण्याच्या तयारीत!

महाराष्ट्र पर्यटनातर्फे कोकण पर्यटनावर ऑनलाइन वेबिनार शृंखला

मानसिक आजाराने त्रस्त गरीब रुग्णांना अन्नधान्य मदतीसाठी आवाहन

मध्य, हार्बर रेल्वे मार्गावर उद्या मेगाब्लॉक

सचिन वाझेच्या आणखी एका साथीदाराला अटक

लॉकडाऊनमुळे यू-डायसची माहिती भरणे अवघड

अरे, येतो हमारे पापाजी है...!

अभिनेता अमित मिस्त्री यांचे निधन

आंतरजिल्हा प्रवासासाठी ई-पास बंधनकारक; संकेतस्थळावरुन डाऊनलाेड करणे शक्य