मुंबई : राज्यात सोमवारी १० लाखांहून अधिक जणांना लस देण्यात आली. लसीचे डोस नियमित आल्यास लसीकरण मोहिमेस वेग येईल, अशी माहिती आरोग्य विभागाने दिली आहे. राज्यात दिवसभरात १० लाख ३५ हजार ४१३ जणांना कोविड प्रतिबंधक लस देण्यात आली, तर आतापर्यंत राज्यात एकूण ५ कोटी ८२ लाख ५ हजार ९०४ जणांचे लसीकरण करण्यात आले आहे.
राज्यात १८ ते ४४ वयोगटातील १ कोटी ८६ लाख ७४ हजार १८२ जणांनी लसीचा पहिला डोस, तर २१ लाख ४ हजार ५१२ जणांनी लसीचा दुसरा डोस घेतला आहे.
राज्यात ४५ हून अधिक वय असणाऱ्या २ कोटी ३३ लाख १ हजार ५९१ जणांनी लसीचा पहिला डोस, तर १ कोटी १२ लाख ७ हजार ६७९ जणांनी लसीचा दुसरा डोस घेतला आहे.
राज्यात १२ लाख ९२ हजार ५०० आरोग्य कर्मचाऱ्यांनी लसीचा पहिला डोस, तर ९ लाख ९५ हजार २७ आरोग्य कर्मचाऱ्यांनी लसीचा दुसरा डोस घेतला आहे. २१ लाख ३९ हजार ४६२ फ्रंटलाइन कर्मचाऱ्यांनी लसीचा पहिला डोस, तर १४ लाख ६० हजार ९५१ फ्रंटलाइन कर्मचाऱ्यांनी लसीचा दुसरा डोस घेतला आहे.