अंध मादी बिबट्या दत्तक घेत वाढदिवस साजरा
लोकमत न्यूज नेटवर्क
मुंबई : बोरीवली येथील संजय गांधी राष्ट्रीय उद्यानातील कोयना या मादी बिबट्याचे पालकत्व स्वीकारत कुवेदांगी बोरीकर यांनी आपला वाढदिवस साजरा केला आहे. कुवेदांगी या मुंबई उपनगराचे जिल्हाधिकारी मिलिंद बोरीकर यांच्या कन्या आहेत.
९ वर्षीय मादी बिबट्या अंध असून, तिच्या डोळ्यांना दुखापत झाल्याने २०१२मध्ये तिला कोयना अभयारण्यातून संजय गांधी राष्ट्रीय उद्यानातील बिबट्या निवारा केंद्रात दाखल केले होते. बोरीकर यांनी सलग दुसऱ्यांदा कोयनाला दत्तक घेतले आहे, अशी माहिती राष्ट्रीय उद्यानाचे वनसंरक्षक व संचालक मल्लिकार्जुन यांनी प्रसार माध्यमांना दिली. उद्यानातील प्राणी एका वर्षाकरिता दत्तक घेण्याची तरतूद असून, वाघ, सिंह व इतर प्राणी अद्याप दत्तक घेण्यासाठी उपलब्ध आहेत.
--------------------
दत्तक मूल्य खालीलप्रमाणे...
सिंह - ३ लाख
वाघ - ३.१० लाख
बिबट - १.२० लाख
वाघाटी - ५० हजार
नीलगाय - ३० हजार
चितळ - २० हजार