मुंबई : पावसाळ्यापूर्वी करण्यात आलेल्या इमारतींच्या सर्वेक्षणानंतर म्हाडाने मुंबईतील १४ इमारती अतिधोकादायक घोषित केल्या आहेत. या इमारतीमधील ५३७ रहिवाशांना संक्रमण शिबिरात स्थलांतरित करण्याचे काम म्हाडातर्फे हाती घेण्यात येणार असून, या प्रक्रियेत रहिवाशांनी सहकार्य करावे, असे आवाहन गृहनिर्माण मंत्री प्रकाश महेता यांनी केले आहे.वांद्रे येथील झोपडपट्टी पुनर्वसन प्राधिकरणाच्या मुख्य कार्यालयात आयोजित पत्रकार परिषदेत प्रकाश महेता यांनी ही माहिती दिली. ते म्हणाले की, २००० सालच्या झोपडीधारकांच्या पात्रता नियमात बदल करण्यात आला आहे. हस्तांतर शुल्क निवासी ४० हजार तर अनिवासी शुल्क ६० हजार असणार आहे. या प्रस्तावावर शनिवारीच स्वक्षारी करण्यात आली आहे. जुन्या उपकरप्राप्त इमारतींच्या पुनर्विकासाला चालना देण्यात येणार आहे. सुस्थितीत असलेल्या इमारतींचा उपकर रद्द करण्यात येणार आहे. या इमारती खाजगी विकासकांना पुनर्विकासासाठी देण्यात येणार असून, त्यासाठी आर.आर बोर्डाची गरज भासणार नाही.दरम्यान, गतवर्षी दहा इमारती अतिधोकादायक होत्या तर यावर्षी या यादीत चार इमारतींची भर पडली आहे. (प्रतिनिधी)च्१४४, एम. जी. रोड एक्स्पनेंड मेन्शनच्४४-४६ काजी स्ट्रीट /९४-१०२,मस्जिद स्ट्रीटच्९८-१०२,अली उमर स्ट्रीटच्१८८-१९० डॉ. विगास स्ट्रीटच्४२-४८ मंगलदास रोडच्१-१३ विठ्ठलदास रोडच्२३०-२३४ संत सेना महाराज मार्गच्११०-११४ संत सेना महाराज मार्गच्२६ खारवा गल्लीच्३९ चौपाटी सी फेसच्५५-५७ नागदेवी क्रॉस लेनच्२४४ नरशीनाथ स्ट्रीटच्इ.क्र २२९-२३५ लक्ष्मण निवास डॉ आंबेडकर मार्ग लालबागच्इ.क्र ९६फ मथुरा भवन दादासाहेब फाळके रोड दादर
म्हाडाच्या १४ इमारती अतिधोकादायक घोषित
By admin | Updated: May 17, 2015 00:34 IST