अभिनेत्रीने आपल्या हातावर एका खास व्यक्तीच्या नावाचा टॅटू बनवला आहे.
प्राजक्ता माळी महाराष्ट्राची लाडकी अभिनेत्री आहे. तिचा फॅन फॉलोव्हिंग खूप आहे.
प्राजक्ता माळीने आपल्या हातावर एका खास व्यक्तीच्या नावाचा टॅटू बनवला आहे. हे व्यक्ती म्हणजे प्रसिद्ध अध्यात्मिक गुरु ओशो.
प्राजक्ताने राजश्री मराठीला दिलेल्या मुलाखतीत हा टॅटू गोंदवण्यामागचं कारण सांगितलं होतं. तिला हातावर नेहमीपेक्षा काहीतरी हटके टॅटू हवा होता.
प्राजक्ता म्हणाली होती की, ''मी ओशोंबद्दल खूप वाचन करायचे, त्यांच्या सीडी ऐकायचे. माझी त्यांच्यावर अपार श्रद्धा आहे. मला त्यांचे सगळे विचार पूर्णतः पटायचे.''
प्राजक्ता म्हणाली, 'मला सगळ्यांसारखं फुलं, हृदय, चंद्र, चांदणं अशा कॉमन गोष्टी टॅटू म्हणून नको होत्या. मला काहीतरी वेगळं हवं होतं.
मला टॅटू म्हणून अशी एखादी गोष्ट हवी होती जी प्रेरणादायक असेल आणि धर्माशी निगडित नसेल, असे प्राजक्ता म्हणाली.
ती पुढे म्हणाली, ' तेव्हा मी ओशोंची भक्त झाले होते आणि त्यांच्या मते धर्म वगैरे असं काही नसतं. मी पण जात, धर्म अशा गोष्टी मानत नाही. त्यामुळे मी ओशो नावाचा टॅटू गोंदवला.'