न्यायाधार संस्थेतर्फे महिला मेळावा

अहमदनगर: येथील न्यायाधार संस्थेच्या वतीने कायदेविषयक जनजागृती महिला मेळाव्याचे आयोजन करण्यात आले आहे़ येत्या ९ ऑगस्ट रोजी टिळक रस्त्यावरील माऊली सांस्कृतिक भवन येथे आयोजित मेळाव्यात महिलांचे कायदेशीर हक्क, अत्याचारित महिलांसाठीच्या विविध शासकीय योजना, महिलांचा मानसिक व सामाजिक छळ आदी विषयी तज्ज्ञांकडून मार्गदर्शन केले जाणार आहे़ महिला व बालकांचे कायदेविषयक संशोधन व विकास केंद्राचे भूमिपूजन केले जाणार असल्याचे अध्यक्षा ॲड़ निर्मला चौधरी यांनी दिलेल्या प्रसिध्दी पत्रकात नमूद आहे़