EPFO : ईपीएफओ अर्थात कर्मचारी भविष्य निर्वाह निधी संघटना आपल्या सदस्यांच्या उज्वल भविष्यासाठी सातत्याने प्रयत्न करत असते. यात कर्मचाऱ्यांना दिल्या जाणाऱ्या सुविधा सुलभ करण्यात येत आहे. अशीच एक सेवा आणखी सोपी केली आहे. ईपीएफओ सदस्य आता उमंग मोबाईल अॅपद्वारे आधार फेस ऑथेंटिकेशन तंत्रज्ञानाचा वापर करून त्यांचा युनिव्हर्सल अकाउंट नंबर (UAN) जनरेट आणि सक्रिय करू शकतात. आतापर्यंत, कर्मचारी काम करत असलेल्या संस्थेच्या एचआर विभागाने ईपीएफओला डेटा पाठवल्यानंतर कर्मचाऱ्याचा यूएएन तयार केला जात असे. आता हे काम अॅपवरच होणार असल्याने कर्मचाऱ्यांना एचआर विभागावर अवलंबून राहावे लागणार नाही.
संघटनेने का घेतला निर्णय?कामगार आणि रोजगार मंत्रालयाच्या मते, आधार तपशीलांची पडताळणी करण्यात आली आहे. यामध्ये वडिलांचे नाव, मोबाईल नंबर किंवा जन्मतारीख यासारख्या माहितीमध्ये चुका सामान्य होत्या. दाव्याच्या प्रक्रियेदरम्यान किंवा इतर EPFO सेवा वापरताना या चुका अनेकदा दुरुस्त कराव्या लागतात. आर्थिक वर्ष २०२४-२५ मध्ये वाटप केलेल्या १.२६ कोटी UAN पैकी फक्त ४४.६८ लाख (३५.३० टक्के) सदस्यांनी सक्रिय केले.
या सुविधेचा कोण घेऊ शकतो लाभ?ही सेवा कर्मचारी आणि मालक दोघेही वापरू शकतात. हे आधार आणि फेस ऑथेंटिकेशन वापरणाऱ्या वापरकर्त्याची १०० टक्के सत्यता प्रदान करते आणि वापरकर्त्याचा डेटा थेट आधार डेटाबेसमधून आधीच भरला जातो. ईपीएफओच्या मते, वापरकर्त्याचा मोबाईल नंबर आधारशी नोंदणीकृत मोबाईल नंबरशी जुळवला जातो. जनरेशन प्रक्रियेदरम्यान ईपीएफओ पोर्टलवर यूएएन सक्रीय केले जाते.
कंपन्यांकडून थंड प्रतिसादईपीएफओच्या म्हणण्यानुसार, "कंपन्यांना आधार ओटीपी वापरून त्यांचे यूएएन सक्रिय करण्यासाठी अनेकवेळा सांगण्यात आले. जेणेकरून भविष्यात रोजगाराशी संबंधित योजनेअंतर्गत कोणतेही फायदे डीबीटी वापरून मिळू शकतील." ईपीएफओने पुढे म्हटले आहे की, अनेक प्रकरणांमध्ये, कर्मचाऱ्याला यूएएनची माहिती दिली जात नव्हती. अनेकांचे मोबाईल नंबर गहाळ होते किंवा चुकीचे होते, ज्यामुळे थेट संवाद साधणे कठीण होते. शिवाय, ईपीएफओ सदस्य पोर्टलवर आधार OTP पडताळणीद्वारे UAN सक्रिय करणे ही एक वेगळी प्रक्रिया होती, जी सदस्याला पूर्ण करावी लागत होती, ज्यामुळे गोंधळ निर्माण झाला.
वाचा - RBI च्या रेपो दरातील कपातीनंतर 'या' चार सरकारी बँकांनी ग्राहकांना दिला दिलासा, EMI कमी होणार
नोकरीत रुजू होताना, कर्मचारी ईपीएफओमध्ये सामील होण्यासाठी ई-यूएएन कार्डची पीडीएफ आणि यूएएनची प्रत नियोक्त्याला सादर करू शकतो. यामुळे पासबुक पाहणे, केवायसी अपडेट करणे, दावे सादर करणे आणि इतर सेवा यासारख्या ईपीएफओ सेवांचा प्रवेश त्वरित अनलॉक होतो.