हिवाळ्यात सहज मिळणारा मुळा हा खरेतर 'सुपरफूड' मानला जातो. कमी कॅलरी आणि भरपूर पोषणमूल्यांमुळे तो थंडीच्या दिवसांत शरीरासाठी अमृतासारखा लाभदायी ठरतो.
मुळ्यात व्हिटॅमिन सी, अँटीऑक्सिडंट्स आणि खनिजांचे प्रमाण जास्त असल्याने आपली रोगप्रतिकारक शक्ती वाढते.
मुळ्यातील फायबर पचनसंस्था सक्षम ठेवते आणि बद्धकोष्ठता असेल तर तो अत्यंत उपयुक्त ठरतो.
पोटॅशियम रक्तदाब नियंत्रित ठेवून हृदयाचे आरोग्य सुधारते.
कॅल्शियम, मॅग्नेशियम आणि फॉस्फरस हाडे व स्नायू मजबूत करतात.
मुळ्यात भरपूर पाणी असते. त्यामुळे शरीर हायड्रेट होते. तसेच विषारी घटक बाहेर पडण्यास मदत मिळते. त्यातून लिव्हर आणि किडनी निरोगी राहतात.