या ठिकाणी मूग अन् उडदाला यंदा चांगला भाव, जाणून घ्या आजचे बाजारभाव

निवडक बाजारसमित्यांमध्ये आज दिनांक ५ ऑक्टोबर रोजी मूग, उडीद बाजारभाव असे आहेत.

सोलापूर जिल्ह्यातील अक्कलकोट तालुक्यात नेहमी खरीप पिके उत्तम प्रकारे येत असतात. मूग, उदीड, सोयाबीनसारख्या पिकांकडे शेतकरी वळाले आहेत. त्यामुळे अक्कलकोट, दुधनी बाजार समितीत दरवर्षी मोठी आवक असते. यंदा पावसाने ओढ दिल्यामुळे गतवर्षीच्या तुलनेत यंदा उडीद, मुगाची आवक केवळ १५ टक्केच आहे. त्यामुळे शेतकऱ्यांना आर्थिक फटका बसला आहे.

अक्कलकोट बाजार समितीमध्ये यंदा मूग ५१४ क्विंटल, तर उडीद ४ हजार ८३० क्विंटल आणि दुधनी बाजार समितीमध्ये उडीद १६ हजार ८१७, तर मूग २ हजार ५१४ क्विंटल आवक आहे. मागील वर्षांच्या तुलनेत यंदा मूग आणि उडीद उशिराने येत आहे. त्यात आवकही घटली आहे. १० ते १५ क्विंटल उडीद येईल,अशी आशा ठेवलेल्या शेतकऱ्यांच्या शेतातून दोन ते शेतकऱ्यांनी जेमतेम पिके जगविली शेजारील कर्नाटक राज्यातील तीन क्विंटलच पीक निघत आहे.

अक्कलकोट बाजार समितीमध्ये उडदाला सर्वाधिक दर ९ हजार ८०० रुपये आणि मुगाला सर्वाधिक १२ हजार रुपये दर मिळत आहे. दुधनीत उडीद ९ हजार १५० रुपये, तर मुगाला ९ हजार ६८० रुपये दर प्रति क्विंटलच्या हिशेबाने मिळत आहे.

दरम्यान आज दिनांक ५ ऑक्टोबर रोजी सकाळच्या सत्रात राज्यातील निवडक बाजारपेठांतील मूग, उडीद आणि तूरीचे दर पुढीलप्रमाणे आहेत. 

शेतमाल	बाजार समिती	वाण	आवक	किमान दर	जास्तीत जास्त	सरासरी दर
मूग	अमरावती	मोगली	3	7500	9100	8300
मूग	जळगाव	हिरवा	1	10000	10000	10000
मूग	बीड	हिरवा	14	8300	9850	9233
मूग	मुंबई	लोकल	197	9000	12500	11500
मूग डाळ	मुंबई	लोकल	527	10000	13000	12000
तूर	अमरावती	लाल	594	10750	11500	11125
तूर	धुळे	लाल	3	6060	8700	7500
तूर	नागपूर	लाल	3	11000	11300	11225
तूर डाळ	मुंबई	लोकल	1388	10500	16500	13500
उडीद	जळगाव	काळा	267	5500	8300	7800
उडीद	बीड	हायब्रीड	40	4521	8490	7527
उडीद	मुंबई	लोकल	219	9500	12000	10500
उडीद डाळ	मुंबई	लोकल	184	10000	13000	12000