Today's horoscope: आजचे राशीभविष्य, १९ मे २०२२; डोक्याला वैताग वाढेल अशी कामे अंगावर ओढवून घेऊ नका

Today's horoscope, May 19, 2022: कसा असेल तुमचा आजचा दिवस तुमच्या राशीसाठी जाणून घ्या...  

मेष- अतिशय अनुकूल ग्रहमान राहील. विविध प्रकारचे लाभ होतील. एखाद्या कार्यक्रमात सहभागी व्हाल. आवडते पदार्थ खाण्यास मिळतील. तुमचे कौतुक होईल. काहींना पर्यटनाच्या निमित्ताने प्रवास होईल. धनलाभाच्या दृष्टीने चांगला काळ आहे.

वृषभ- नोकरीत तुमचा दबदबा राहील, तुमच्या शब्दाचा मान राखला जाईल. महत्त्वाचे काम शक्यतो पुढे ढकलणे ठीक राहील. अन्यथा मनस्ताप सहन करावा लागेल. वेळ आणि पैसा खर्च होईल. त्यामुळे थोडा संयम ठेवलेला बरा. धनलक्ष्मीची कृपा आपल्यावर राहील.

मिथुन- चांगल्या लोकांच्या सहवासात याल. त्यांची मदत मिळेल. जोडीदार तुमच्या पाठीशी उभा राहील. महत्त्वाचे काम मार्गी लागेल. त्यासाठी अनेकांचे सहकार्य मिळेल. घरात खेळीमेळीचे वातावरण राहील. महत्त्वाचे निरोप येतील. आत्मचिंतन करण्यासाठी वेळ मिळेल.

कर्क- मुलांच्या यशाच्या वार्ता कानावर पडतील. त्याचे कौतुक होईल. नोकरीत मोठी संधी मिळेल. त्यामुळे कामाचा ताण वाढेल; पण फायदा होणार असल्याने ताण जाणवणार नाही. काही अडचणी बोलून दूर करा. तब्येतीकडे दुर्लक्ष करू नका.

सिंह-  ग्रहमानाची साथ तुम्हाला मिळेल. महत्त्वाचे काम सहजासहजी मार्गी लागेल. कामाचा ताण निघून जाईल. जी काही उरलेली कामे असतील ती कुशलतेने पूर्ण कराल. प्रसिद्धी, मानसन्मान मिळेल. मुले प्रगती करतील. आवक चांगली राहील.

कन्या - नोकरीत कामाचा व्याप सांभाळताना तारेवरची कसरत करावी लागेल. काहींच्या कामाचे स्वरूप बदलेल. व्यवसायात भरभराट होईल. नवीन ओळखी होतील. कुणी काही प्रस्ताव किंवा योजना सांगितली तर विचार करून निर्णय घ्या.

तूळ - व्यवसायात साधक बाधक परिस्थिती राहील. काही फायदे होतील, तर काही अनावश्यक खर्च होइल. भावनेच्या भरात महत्त्वाचे निर्णय घेऊ नका. प्रवासाचे योग येतील. नातेवाइकांच्या संपर्कात राहाल. कामानिमित्त कार्यरत राहावे लागेल. थोडा स्वत:साठी वेळ काढा.

वृश्चिक - एखाद्या कार्यक्रमात सहभागी व्हाल. आवडते पदार्थ ताटात दिसतील. जोडीदार तुमच्या मर्जीनुसार वागेल. तरुण वर्गाला प्रेमात अपेक्षित प्रतिसाद मिळेल. भेटवस्तू देण्यास हरकत नाही. अनेक मार्गानी लाभ होईल. धनलक्ष्मी तुमच्यावर प्रसन्न राहील.

धनू- नोकरीत तुमचे महत्त्व वाढेल. तुमच्या सल्ल्याचा इतरांना फायदा होईल. महत्त्वाचे काम मार्गी लागेल. जोडीदार तुमच्या मर्जीनुसार वागेल. लोकांच्या भेटीगाठी होतील. प्रलंबित कामांचा निपटारा करण्यासाठी वेळ द्याल. कामे आटोक्यात येतील. हलके वाटेल.

मकर- महत्त्वाचे काम पुढे ढकलणे योग्य राहील. एखादा महत्त्वाचा निरोप येईल. काहींना प्रवास घडून येईल. अनावश्यक खर्चाला आवर घातला पाहिजे. व्यवसायात विक्री चांगली राहील. डोक्याला वैताग वाढेल अशी कामे अंगावर ओढवून घेऊ नका.

कुंभ- नोकरीत तुमचे पारडे जड राहील. अनुकूल घटना घडतील. विविध मार्गानी धनप्राप्ती होईल. उत्तम प्रवास घडतील. जवळच्या लोकांच्या सहवासात याल. चमचमीत पदार्थांचा आस्वाद घेता येईल. महत्त्वाच्या कामात यश मिळेल.

मीन - नोकरीत कामाचा ताण राहील, सतत कार्यरत राहावे लागेल. जोडीदाराची चांगली साथ राहील. कुणाचे मन दुखावले जाईल, असे बोलू नका. त्यांच्यासाठी खस्ता खाव्या लागतील; पण त्याचे कुणाला महत्त्व वाटणार नाही.

-(विजय देशपांडे, ज्योतिषविशारद)