HSC Exam Result: पुढील आठवड्यात बारावीचा निकाल; विद्यार्थी,पालकांची उत्सुकता वाढली

अद्याप निकालाची तारीख निश्चित केली नसल्यामुळे विद्यार्थी आणि पालकांत संभ्रम कायम

पुणे: राज्य मंडळातर्फे घेण्यात आलेल्या इयत्ता बारावी आणि दहावी परीक्षेचा निकाल जाहीर करण्यासंदर्भात वेगवेगळ्या बातम्यांमुळे विद्यार्थ्यांसह पालक वर्ग गाेंधळून गेला आहे. मात्र, बारावीचा निकाल मे महिन्याचा तिसरा आठवडा आणि दहावीचा निकाल चाैथ्या आठवड्यात जाहीर करणार आहाेत. दाेन्ही निकालाची तारीख निश्चित हाेताच मंडळातर्फे अधिकृतरीत्या सांगण्यात येईल अशी माहिती राज्य मंडळाचे अध्यक्ष शरद गाेसावी यांनी दिली.

इयत्ता बारावी आणि दहावीच्या निकालाबाबत विद्यार्थ्यांसह पालकांमध्ये उत्सुकता असते. दहावी, बारावी निकालानंतर पुढील अभ्यासक्रमांना प्रवेश घेण्यासाठीची तयारीही सुरू केलेली आहे. दरम्यान, निकाल केव्हा लागणार ? याबाबत सध्या वेगवेगळ्या बातम्या आणि चर्चांना उत आला आहे. या संदर्भात दाेन्ही परीक्षांच्या उत्तरपत्रिका तपासून पूर्ण झाल्या आहेत तसेच गुणपत्रिका तयार करण्याचे कामही वेगाने सुरू आहे. साधारणपणे मे अखेर निकाल जाहीर करणार असल्याचे यापूर्वीच राज्य मंडळाच्या अध्यक्षांनी स्पष्ट केले हाेते.

तारीख निश्चित नसल्याने संभ्रम कायम

बारावी आणि दहावीचा निकाल अनुक्रमे मे महिन्याचा तिसरा आणि चाैथ्या आठवड्यात जाहीर करणार आहाेत असे सांगितले असले तरीही अद्याप निकालाची तारीख निश्चित केली नसल्यामुळे विद्यार्थी आणि पालकांत संभ्रम कायम आहे.